މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން 70 އަށްވުރެ ގިނަ ވަޒީފާ އުފައްދައި އެ ވަޒީފާ ތަކަށް ވަނުމުގެ ފުރުސަތު ހުޅުވާލައިފިއެވެ. 

އެމްއޭސީއެލް އިން ބުނީ، ކޮންމެ އަހަރަކުވެސް އެ ކުންފުނިން އެތައް ސަތޭކަ ވަޒީފާ އުފައްދައި، އެތައް ފަރާތަކަށް ވާޒީފާގެ ފުރުސަތު ދެމުންދާ ކަމަށެވެ. 

އެގޮތުން، މި ފާއިތުވި ހަފްތާ ގައިވެސް ވެލާނާ އިންޓަނޭޝަނަލް އެއާޕޯޓް ގެ އެކި ޑިޕާޓްމަންޓްތަކުގައި ޖުމުލަ 70 ވަޒީފާގެ ފުރުސަތު، އެމްއޭސީއެލް އިން ހުޅުވާލާފައިވާ ކަމަށެވެ. 

Advertisement

އެގޮތުން ހުޅުވާލާފައިވާ ވަޒީފާގެ ފުރުސަތު ތެރޭގައި، އެއާޕޯޓް ފަޔާރ ފައިޓާ ޓްރެއިނީ އާއި، ޖެނެރަލް ކައުންސެލް އާއި، ސަޕޯޓް ސްޓާފް އާއި، އިންޖީނިއަރ އާއި، ޕްރޮޖެކްޓް މެނޭޖަރ އާއި, އެސިސްޓެންޓް އޮފިސަރ އާއި އޮޕަރޭޓަރގެ އިތުރުން ވެސް ގިނަ ވަޒީފާތަކަށް ވަނުމުގެ ފުރުސަތު ވަނީ ހުޅުވާލާފައެވެ. 

މި ވަޒީފާތަކަށް ބޭނުންވާ މީހުންގެ އަދަދާއި، އެމީހުންގެ ޝަރުތު ތަކުގެ އިތުރުން އިތުރު މައުލޫމާތުގެ އިތުރުން ވަޒީފާއަށް އެޕްލައިކުރަން އަންނަނިވި ލިންކަށް ޒިޔާރަތް ކުރުމަށް އެ ކުންފުނިން އެދެއެވެ. 

https://www.macl.aero/corporate/about/jobs

އެމްއޭސީއެލް ގައި މިހާރުވެސް 3,500 އަށްވުރެ ގިނަ މުވައްޒަފުން އަންނަނީ މަސައްކަތް ކުރަމުންނެވެ.