ވ. ވެމްޕަރު ފަޅުން ފެނުނު ހަށިގަނޑަކީ ކާކުކަން ދެނެގަތުމަށް ޑީއެންއޭ އެނަލިސިސް ހެދުމުގެ މަސައްކަތް ކުރަމުންދާ ކަމަށް ފުލުހުން ބުނެފިއެވެ.
ފުލުހުންގެ މީޑިއާ އޮފިޝަލު "ވޮއިސް" އަށް މައުލޫމާތު ދެއްވަމުން ވިދާޅުވީ ވ. ވެމްޕަރު ފަޅުން ފެނުނު ހަށިގަނޑަކީ ކާކުކަން ދެނެގަތުމަށް ޑީއެންއޭ އެނަލިސިސް ހެދުމުގެ މަސައްކަތް ކުރަމުންދާ ކަމަށެވެ.
އަދި އެ ކަމަކީ ވަގުތު ނަގާނެ ކަމެއް ކަމަށާއި ޑީއެންއޭ އެނަލިސަސްއަށް ފަހު އިތުރު މައުލޫމާތު ހިއްސާކުރެވޭނެ ކަމަށް އޮފިޝަލު ވިދާޅުވިއެވެ.
ވ. އަތޮޅު ވެމްޕަރު ފަޅު ހުޅަނގު އުތުރު ކަނޑުން މީހަކު މަރުވެފައި އޮއްވާ ފެނުނުނީ މި މަހުގެ ދެވަނަ ދުވަހުގައެވެ.
އެއީ ކާކުގެ ހަށިގަނޑެއްކަން މިހާތަނަށް ދެނެގަނެވިފައި ނުވާއިރު، ނިމިދިޔަ ޑިސެމްބަރު މަހުގެ 28 ވަނަ ދުވަހު ވިލިމާލެ އިން ތެޔޮ ބޯޓެއްގައި ފުރި ދެމީހެއްގެ ތެރެއިން ބިދޭސީ މީހާ ގެއްލިގެން އޭނާ ހޯދުމުގެ މަސައްކަތް ވެސް ފުލުހުން ދަނީ ކުރަމުންނެވެ.
އަދި އެ ތެޔޮ ބޯޓުގައި، ބިދޭސީ މީހާއާއި އެކު ދަތުރު ކުރި، ދިވެހި މީހާ، ވަނީ މަރުގެ ތުހުމަތުގައި ފުލުހުން ހައްޔަރު ކޮށްފައެވެ.
Advertisement
This content is created and paid for by advertisers and does not involve Voice Journalists
