ރ އަތޮޅުގެ ރައްޔިތުންނަށް ފެނާއި ނަރުދަމާގެ ޚިދުމަތް ފޯރުކޮށްދީފައިވަނީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ވެރިކަމުގައިކަން ފާހަގަކުރައްވާ ރައްޔިތުންގެ މަޖިލީހުގެ ރ އިނގުރައިދޫ ދާއިރާގެ މެންބަރު ހަސަން މުހައްމަދު (ހަސަންޓޭ) ތައުރީފު ކުރައްވައިފި އެވެ.
ރ އަތޮޅު މީދޫގައި އޮތް ރައީސް ޞާލިހުގެ ކެމްޕޭނު ޖަލްސާއެއްގައި ވާހަކަދައްކަވަމުން ހަސަންޓޭ ވިދާޅުވީ އޭނާ ރައީސް ޞާލިހަށް ތައީދުކުރައްވަން ނިންމެވީ އެމަނިކުފާނު ރ އަތޮޅުގައި ހިންގަމުންދާ މަޝްރޫއުތަކުގެ ސަބަބުންކަމަ ށެވެ.
އެގޮތުން ރ އަތޮޅުގެ ރައްޔިތުންނަށް ދިމާވެފައިވާ ފެނާއި ނަރުދަމާގެ މައްސަލަ ހައްލުކޮށްދެއްވީ ރައީސް ޞާލިހުކަމަށް ހަސަންޓޭ ވިދާޅުވިއެވެ. އަދި ސާފު ބޯފެނާއި ނަރުދަމާގެ ޚިދުމަތް ނުލިބި ފައިތުވި އަހަރުތަކުގައި ރައްޔިތުން ވަރަށް ބޮޑެތި ތަކުލީފުތަކެއް އުފުލަން ޖެހުނުކަމަށް ހަސަންޓޭގެ ވާހަކައިގައި ވަނީ ފާހަގަކުރައްވާފަ އެވެ.
"މިތަނަށް އަޅުގަނޑުމެން އައިސް ވައްޓާލިއިރު އެއްވެސް ރަށެއްގައި ފެނާ ނަރުދަމާއެއް ނެތް. މިއީ 15 ރަށް 24000 އާބާދީ. ނަޖިސްފެނުން ބޮއިގެން ތިބީ. މި ނިންމަނީ އެކަން"
އިނގުރައިދޫ ދާއިރާގެ މެންބަރު ހަސަން މުހައްމަދު (ހަސަންޓޭ)
ހަސަންޓޭ ވިދާޅުވީ އޭނާ ތާއީދު ކުރައްވާނީ ރައްޔިތުންނަށް ތަރައްގީ ގެނެސްދޭނެ ލީޑަރަކަށްކަމަށެވެ. އޭނާ އަކީ އިޚްލާސްތެރިކަމާއެކު މަސައްކަތް ކުރާ މީހެއްކަމަށާއި، ސަރުކާރު ގޯސްކޮށް ކަމެއް ކުރާނަމަ އެކަމަށް ފާޑުވިދާޅުވާން ފަސްޖެހިވަޑައި ނުގަންނަވާނެކަމަށް ހަސަންޓޭ ވިދާޅުވިއެވެ.
އޭގެ އިތުރުން ވިދާޅުވީ އޭނާ އަބަދުވެސް އިސްކުރަނީ ރައްޔިތުންނަށް އެންމެ ލާބަ ހުރި ގޮތްކަމަށާއި، ރައީސް ޞާލިހުގެ ފަހަތްޕުޅުގައި ހުންނެވީ ރައްޔިތުންނަށް ތަރައްގީ ގެނެސްދެވޭނި ލީޑަރަކީ ރައީސް ޞާލިހުކަން ގަބޫލުކުރައްވާތީކަމަށެވެ.
Advertisement
This content is created and paid for by advertisers and does not involve Voice Journalists
