ދުނިޔޭގެ ޓީޗަރުންގެ ދުވަސް ފާހަގަކުރުމުގެ ގޮތުން ރައީސުލްޖުމްހޫރިއްޔާގެ އަނބިކަނބަލުން، ސާޖިދާ މުހައްމަދު މުދައްރިސުންގެ ބުރަ މަސައްކަތާއި ހިތްވަރު ފާހަގަކުރައްވައި މުދައްރިސުންނަށް ޝުކުރު އަދާކުރައްވައިފިއެވެ.
އެކަމަނާ އެކްސްގައި ޝާއިޢުކުރެއްވި ޕޯސްޓެއްގައި ވިދާޅުވީ ދަރިވަރުން ބިނާކޮށް ބައްޓަންކުރުމުގައި މުދައްރިސުން ވަރަށް މުހިންމު ދައުރެއް އަދާކުރައްވާ ކަމަށާއި މިއަދު ފެންނަ ބަދަހި މުޖުތަމަޢުތައް ބިނާކުރުމުގައި އެ ބޭފުޅުންގެ ޙިއްޞާ ވަރަށް ބޮޑު ކަމަށެވެ.
ޓެކްނޮލޮޖީއާއި އާޓިފިޝަލް އިންޓެލިޖެންސް ފަދަ ވަސީލަތްތަކާ އެކު ކިޔަވައިދިނުމުގެ މާޙައުލު ބަދަލުވަމުންދާ މި ދުވަސްވަރު މުދައްރިސުންނަށް އައު ގޮންޖެހުންތަކާ ކުރިމަތިލާން ޖެހިފައިވާ ކަމަށް އެކަމަނާ ފާހަގަކުރެއްވިއެވެ.
އެހެންކަމުން, އެ ބަދަލުތަކަށް ހިތްވަރާއެކު ހޭނުމަށް މުދައްރިސުންނަށް ބާރު ދީ ތައްޔާރަށް ތިބޭނެ ގޮތް ހެދުން ވަރަށް މުހިންމު ކަމަށް އެކަމަނާ ފާހަގަކުރެއްވިއެވެ.
ދުނިޔޭގެ ޓީޗަރުންގެ ދުވަހަކީ ކޮންމެ އަހަރަކު ވެސް މުދައްރިސުންގެ އަގު ވަޒަންކޮށް އެ ބޭފުޅުންގެ ޚިދުމަތް ފާހަގަކުރުމަށް ބައިނަލްއަޤުވާމީ ފެންވަރުގައި ފާހަގަކުރާ ދުވަހެކެވެ.
ފާހަގަކޮށްލެވޭ ގޮތެއްގައި މިއަހަރަކީ ދުނިޔޭ ޓީޗަރުންގެ ދުވަސް ފާހަގަކުރާތާ 60 އަހަރު ފުރޭ އަހަރެވެ. އެގޮތުން މިއަހަރު ޔުނެސްކޯގެ ޓީޗަރުންގެ ދުވަހުގެ ތީމަކީ "ސްޓޭންޑިންގ ވިތް ޓީޗާރސް" (ޓީޗަރުންނާ އެކީ ދެމިހުރުން) އެވެ.
Advertisement
This content is created and paid for by advertisers and does not involve Voice Journalists
