ވާހަކަދެއްކުމުގެ ޤައުމީ މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
ދިވެހި ބަހުގެ އެކެޑަމީން ކުރި އިއުލާނެއްގައި ބުނީ، އެ އެކެޑަމީން މި އަހަރުގެ އަދަބީ ކަލަންޑަރުގައި ކަނޑައަޅައިފައިވާ އަލްއުސްތާޛު އިބްރާހީމް ޝިހާބުގެ ހަނދާނީ ވާދައިގެ ތަށްޓަށް ބާއްވާ ވާހަކަދެއްކުމުގެ މުބާރާތުގައި ބައިވެރިވުމުގެ ފުރުޞަތު ހުޅުވާލާފައި ވާކަމަށެވެ.
މިއީ ވާހަކަ ދެއްކުމުގެ 36ވަނަ ޤައުމީ މުބާރާތެވެ.
މި މުބާރާތް 4 ބަޔަށް ބެހިފައިވެއެވެ. އެއީ ސްކޫލުތަކުގެ ބަޔާއި މަތީ ތަޢުލީމުގެ ބައިގެ އިތުރުން އަމިއްލަފަރާތްތަކުގެ ބައި އަދި އޮފީސް/ ކުންފުނި/ ކުލަބު/ ޖަމުޢިއްޔާ/ ޖަމާޢަތްތަކުގެ ބައެވެ.
މި މުބާރާތުގެ މަތީ ތަޢުލީމުގެ ބަޔާއި އޮފީސް/ ކުންފުނި/ ކުލަބު/ ޖަމުޢިއްޔާ/ ޖަމާޢަތްތަކުގެ ބަޔަށް އޮންނާނީ ބަހުސް ކަމަށް އެކެޑަމީގެ އިއުލާނުގައި ވެއެވެ.
މި މުބާރާތް ބޭއްވުމަށް ހަމަޖެހިފައި ވަނީ އަންނަ މަހުގެ 12 ވަނަ ދުވަހުއެވެ. އަދި މުބާރާތުގައި ބައިވެރިވާން އެދޭ ފަރާތްތަކުން އެކަމަށް އެދި، ފޯމު ފުރިހަމަކުރުމަށް ފަހު ހުށަހަޅަން ޖެހޭނީ އަންނަ މަހުގެ ދެވަނަ ދުވަހުގެ ކުރިންނެވެ.
Advertisement
This content is created and paid for by advertisers and does not involve Voice Journalists
