ބޮޑު ކާމިޔާބީއެއް ހޯދުމަކީ ގިނަ ވާދަވެރިންނާ ވާދަކޮށް ކުރި ހޯދުން: އިމްރާން
ބޮޑު ކާމިޔާބީއެއް ހޯދުމަކީ ގިނަ ވާދަވެރިންނާ ވާދަކޮށް ކުރި ހޯދުން ކަމަށް ހޯމް މިނިސްޓްރު އިމްރާން ވިދާޅުވެއްޖެއެވެ.
މި ސަރުކާރުގެ ކޯލިޝަން ޕާޓީއެއް ކަމަށްވާ އަދާލަތު ޕާޓީގެ ރައީސް އިމްރާން ކުރެއްވި ޓުވީޓެއްގައި ވިދާޅުވީ، ބޮޑު ކާމިޔާބީއެއް ލިބުނުކަމަށް ވާނީ ގިނަ ވާދަވެރިންނާ، ބޮޑެތި އަދާވާތްތެރިންނާ ވާދަކޮށް ކުރި ހޯދުމުން ކަމަށެވެ. އަދި ކާމިޔާބީގެ ފޮނިކަމެއް އިހުސާސް ކުރެވޭނީ ރަނގަޅަށް ވާދަ ކޮށްލައިގެން ކާމިޔާބު ލިބުމުން ކަމަށެވެ.
އިމްރާން މިހެން ވިދާޅުވެފައި ވާއިރު، އިތުރު ދައުރެއް ލިބިއްޖެނަމަ ސަރުކާރު އެކުލަވާލާއިރުވެސް ކޯލިޝަން އަކަށް ދާނެ ކަމަށް ރައީސް ޞާލިހު ވަނީ އިޝާރާތް ކުރައްވާފައެވެ.
Advertisement
އެމަނިކުފާނުގެ ރިޔާސީ ޕްރައިމަރީ ކެންޕެއިން ޖަލްސާގައި، މިިދިޔަ އަންގާރަ ދުވަހު ވާހަކަ ދައްކަވަމުން ރައީސް ޞާލިހު ވިދާޅުވީ ރިޔާސީ ކެމްޕެއިންއަށް ނުކުމެ ހުންނެވީ، ވެވަޑައިގެންފައިވާ ވައުދުތައް ފުއްދުމުގައި ކުރިއަށް ދާން ކަމަށެވެ. އަދި މިކަމުގައި ކުރިއަށް ދެވޭނެ ގޮތް ވަރަށް ސާފުކޮށް އެނގިލައްޔާ ކަމަށާއި، އެއީ ވެރިކަމުގާ ތިބުން ކަމަށެވެ.
"ވެރިކަމަށް އާދެވެން އޮތް ގޮތްވެސް އަޅުގަނޑުމެންނަށް ވަރަށް ސާފުކޮށް މިހާރު އެނބަ އެނގޭ. އަޅުގަނޑު ތަކުރާރުކޮށް ބުނަމުން މި އަންނަނީ ރާއްޖޭގެ ވެރިކަަމަށް އާދެވޭނީ ތަފާތު ފިކުރު އެކުލެވޭ، ގިނަ ބަޔަކު ހިމެނޭ ސަރުކާރެއް އެކުލަވާލައިގެން،"
ރައީސް ވިދާޅުވިއެވެ.
ކޯލިޝަން ސަރުކާރުން ވެރިކަމަށް އައުުމަކީ ރާއްޖޭގެ ސިޔާސީ މަޝްހަރު މިހާރު އޮތް ގޮތް ކަމަށާއި އެމަނިކުފާނުގެ ވާދަވެރި ކެނޑިޑޭޓް އެކަން ކުރިން ގަބޫލު ނުކުރައްވާ ކަމަށް ރައީސް ވިދާޅުވިއެވެ.
"މަސައްކަތް ކުރައްވަމުން ގެންދެވީ އެކަނިމާއެކަނި ނިކުމެވަޑައިގެން، އިންތިޚާބު ކާމިޔާބު ކުރެއްވުމަށް. އެހެން ނަަމަވެސް މިއަދު އެއީ އެކަން އެހެން ކުރެވެން އޮތް ކަމެއް ނޫން ކަމަށް އެ ގަބޫލު ކުރައްވަނީ. މިއަދު ވިދާޅުވީ ކޯލިޝަނެއް ހަދާ ވާހަކަ. ސަރުކާރެއް އެކުލަވާލެވޭނީ ކޯލިޝަނަކުން،"
ރައީސް ވިދާޅުވިއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
