ގޯތި ދޫ ނުކުރާތާ 12 އަހަރު ފަހުން ހދ. ހަނިމާދުއިން ގޯތި ދޫކޮށްފިއެވެ.

ހަނިމާދޫއިން ދޫކޮށްފައި ވަނީ 200 ގޯއްޗެއެވެ.

އެރަށު ކައުންސިލްގެ ރައީސް އަބްދުއްސައްތާާރު ހަސަންވިދާާޅުވީ، ގޯއްޗަށް ކުރިމަތިލީ 500 މީހުންގެ ތެރެެއިން، ގޯތި ލިބޭ 200 މީހުން ކަނޑައަލާފައި ވާަކަމަށެވެ. އަދި އެ ފަރާތްތަކަށް ގޯތި ދޫކޮށްފައިވާ ކަމަށެވެ.

Advertisement

މި ގޯތިތައް ދޫކޮށްފައި ވަނީ ތިން ސަރަހައްދަކުންނެވެ. އެއީ އެރަށު ބޯޅަދަނޑުގެ އިރުމަތީ ފަރާތުންްނާއި، ހަތިފުށީ ރައްޔިތުންނަށް ދޫކޮށްފައިވާ ގޯތިތަކުގެ އިރުމަތީ ފަރާތުން އަދި، ފެކްޓްރީ ހިންގުމަށް ކުރިން ދޫކުރި ބިމުގެ ބަޔަކުންނެވެ.

މިވަގުތު ކުރަމުންދާ މަސައްކަތަކީ އެ ގޯތިތަކުގައި މިންޖަހާ ވަކި ކުރުން ކަމަށާއި އެކަމަށް ތިން މަހެއްހާ ދުވަސް ނަގާނެ ކަމަށް އަބްދުއްސައްތާާރު ވިދާޅުވިއެވެ.

މި ވަގުތު ދޫކުރަން ހަމަޖެހިފައިވާ ގޯތިތައް ދޫކުރުމުގެ މަސައްކަތް ނިމުމުން، އަނެއްކާވެސް ގޯތި ދޫކުރަން އިއުލާނު ކުރުމުގެ މަސައްކަތް ފަށާނެ ކަމަށް އޭނާ ވިދާޅުވިއެވެ.

އާބާދީގައި ދެހާހެއްހާ މީހުން ދިރިއުޅޭ ހަނިމާދޫގެބިމުގެ ބޮޑުމިނަކީ 305.7 ހެކްޓަރެވެ.