އިމާދުއްދީން ސްކޫލްގެ ދަރިވަރުން ވިލާމާރޓަށް ޒިޔާރާތް ކޮށްފި އެވެ.

އިމާދުއްދީން ސްކޫލްގެ ގްރޭޑް 1 ގައި ކިޔަވަމުންދާ 121 ދަރިވަރުންވަނީ ރެހެންދި މަގުގައި ހުންނަ ވިލާމާރޓަށް ތަޖުރިބާ ހޯދުމުގެ ޒިޔާތަރެއްކޮށްފައެވެ. އިއްޔެ މެންދުރު 13:30 ގައި ކުރި މިޒިޔާރަތަކީ އެކުދިން ކިޔަވަމުންދާ ހިސާބު މާއްދާގައި ހިމެނޭ ފިލާވަޅަކާއި ގުޅޭ ގޮތުން މަޢުލޫމާތު ހޯދުމަށް ކުރި ޒިޔާރަތެކެވެ. 

އެގޮތުން، މި ޒިޔާރަތުގައި ފައިސާގެ މުޢާމަލާތްތައް ހިނގާ ގޮތާއި، އިގްތިސާދު ކުރުމުގެ މުހިންމުކަމާއި ވިޔަފާރީގައި ހިނގާ އެކިއެކި ކަންތަކުގެ މަޢުލޫމާތު ދަރިވަރުންނާ ހިއްސާކުރެވިފައިވާ ކަމަށް ވިކާ މާޓުން ބުނެއެވެ. 

މީގެ އިތުރުން އިމާދުއްދީން ސުކޫލު ދަރިވަރުންގެ މި ޒިޔާރަތުގައި ވިލާ މާރޓުގެ އެކްސްކުލޫސިވް ޕްރޮޑަކްޓްސް ތަކާއި ގުޅޭ ތަފާތު މައުލޫމާތުތައް ވަނީ ފޯރު ކޮއްދެވިފައިވާ ކަމަށާ، އެގޮތުން ވިލާ މާރޓުގެ އެކްސްކްލޫސިވް ބްރޭންޑްތައް ކަމައްވާ އަލްމަރާއީ، ޓޯނީސް ޗޮކޮލެޓް، ޕްލެއިން ސޮލެއިލް ފަދަ ނަން މަޝްހޫރު ބްރޭންޑް ތަކާ ބެހޭ މައުލޫމާތު ތައް ދަރިވަރުންނަށް ފޯރު ކޮށްދީފައިވާ ކަމަށް ވިލާ މާޓް އިން ބުނެއެވެ.

އަލްމަރާއީއަކީ މިހާރު ވިލާމަރޓުން ހަލުވި ކަމާއެކު ވިކޭ އެންމެ މަގްބޫލު އެއް ބްރޭންޑްއެކެވެ. މިއީ ސައުދީ އަރަބިޔާގެ މަޝްހޫރު އުފެއްދުމެކެވެ.

ވިލާ މާޓް އިން ބުނީ، މިފަދަ ތަޖުރިބާގެ ޒިޔާރަތްތަކަށް އަބަދުވެސް ވިލާ މާރޓުގެ ދޮރު ހުޅުވާލެވިފައިވާ ކަމަށާއި، ސްކޫލުތަކުގެ އިތުރުން ޖަމިއްޔާ ޖަމާއަތްތަކުންވެސް މިފަދަ ހަރާކާތެއް ހިންގަން ބޭނުންވެއްޖެ ކޮންމެ ހިނދެއްގައި ގާތުގައި ވާނެ އެއްބަޔަކައް ވިލާ މާރޓު ވުން އެއީ ވިލާ މާރޓުގެ އެއް އަމާޒް ކަމަށެވެ.