ރާއްޖެ ޓްރާންސްޕޯޓް ލިންކް (އާރް.ޓީ.އެލް) ބަހުގެ ޚިދުމަތް ވިލިމާލޭގައި ފެށުމަށް ބޭނުންވާ ތިމާވެއްޓާއި ރަށްޓެހި މިނީ ބަސްތައް ވިލިމާލެއަށް ގެންގޮސްފި އެވެ. 

އެމްޓީސީސީން މިއަދު ބުނީ، ވިލިމާލޭގައި ބޭނުން ކުރަން ކަރަންޓު ބަސްތަކެއް އެތެރެކޮށްފައިވާ ކަމަށެވެ.

އެމްޓީސީސީން ބުނީ، ވިލިމާލޭގައި އެ ކުންފުނިން ފޯރުކޮށްދޭ ބަހުގެ ޚިދުމަތުގައި ބޭނުންކުރާނީ ތިމާވަށްޓާއި ރައްޓެހި 6 (އިލެކްޓްރޮނިކް ވެހިކަލް) އީވީ ބަސް ކަމަށެވެ. މި ބަސްތަކުގައި 11 މީހުންނަށް އިށީންދެ ތިބެވޭނެހެން ސީޓު ހަރުކުރެވިފައި ހުންނާނެ ކަމަށާ، އަދި 4 މީހުން ނަށް ކޮޅަށްތިބެވޭ ނެ ޖާގަވެސް އޮންނާނެ ކަމަށެވެ. ވީމާ، ޖުމްލަ 15 މީހުންނަށް އެއްފަހަރާ ދަތުރުކުރެވޭނެ ޖާގަ މި އީވީ ބަސްތަކުގައި ހުންނާނެއެވެ.

Advertisement

އެމްޓީސީސީން ބުނީ، މި ހިނގާ ޖަނަވަރީ މަހުގެ 20 ވަނަ ދުވަހު ވިލިމާލޭގައި ބަހުގެ ޚިދުމަތް ފެށުމަށްް އުއްމީދު ކުރާ ކަމަށެވެ. އަދި އާރް.ޓީ.އެލް ވިލިމާލެ ބަހުގެ ޚިދުމަތާއި ގުޅޭ ރޫޓް މެޕާއި ޝެޑިއުލްގެ މަޢުލޫމާތު އެ ކުންފުނިން ކުރިއަށް އޮތް ދުވަސްތަކުގައި ހާމަކުރާނެ ކަމަށެވެ.