ވައިޑީ ސްޕޯޓްސް ކްލަބާއި އެހެން ބައެއް ޖަމިއްޔާތައް ގުޅިގެން އަނެއްކާވެސް ވިލިމާލޭގައި ދަރުހެއް ބާއްވަން ތައްޔާރުވެއްޖެއެވެ.

ދަރުހާއި ގުޅޭގޮތުން “ވޮއިސް” އަށް މަޢުލޫމާތު ދެއްވަމުން ވައިޑީ ސްޕޯޓްސް ކްލަބުން ބުނީ، މީގެ ކުރިންވެސް ވިލިމާލޭގައި ބޭއްވި ދަރުހަށް ބޮޑު ތަރުޙީބެއް ލިބިފައިވާ ކަމަށާއި މިއީ އެ ޖަމިއްޔާއިން އިސްނަގައިގެން ބާއްވާ ދެވަނަ ދަރުސް ކަމަށެވެ.

”އޭ ޣާފިލް ވެފައިވާ ޒުވާނާ“ ގެ ނަމުގައި މި ދަރުސް ބޭއްވުމަށް ހަމަޖެހިފައި ވަނީ އަންނަ ހުކުރު ދުވަހުގެ ރޭ 8:45 ގައި ވިލިމާލޭގެ ބަނދަރު ސަރަޙައްދުގައެވެ.\

ދަރުސް ދެއްވާނީ ރާއްޖޭގެ މަޝްހޫރު ދީނީ ޢިލްމުވެރިޔާ އައްޝައިޚް އިބްރާހިމް ފަރީދު އަޙްމަދުއެވެ.

ވިލިމާލޭގައި ބާއްވާ މިދަރުސް އިންތިޒާމް ކުރި ފަރާތްތަކުން އެދެނީ ވީހާވެސް ގިނަ ޒުވާނުން މިދަރުސްގައި ބައިވެރިވުމެވެ.