ގައުމީ ކަބްރެލީ އާއި ޕްރީކަބް މީޓް އިއްޔެ ފަށައިފި އެވެ.
މި ހަރަކާތުގައި މުޅި ރާއްޖެއިން 1300 އަށް ވުރެ ގިނަ ސްކައުޓުންނާއި ލީޑަރުން ބައިވެރިވެއެވެ.
އޭގެ ތެރޭގައި މާލޭގެ ގިނަ ސްކައުޓް ގްރޫޕުތަކެއްގެ އިތުރުން ރ. މަޑުއްވަރީ އާއި ބ. އޭދަފުށި، ކ. މާފުށި، ގުޅި ވ. ފެލިދޫގެ ސްކައުޓް ގްރޫޕްތައް ހިމެނެއެވެ.
މި ހަރަކާތް ރާވާފައިވަނީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ)އާއި 17 މުއައްސަސާއެއްގެ އެހީތެރި ކަމާއެކު ކަމަށް ސްކައުޓް އެސޯސިއޭޝަން އިން މައުލޫމާތު ދެއެވެ. މީގެ ތެރޭގައި މަދަނީ ޖަމްޢިއްޔާތަކާއި ސަރުކާރާއި ދައުލަތުގެ މުއައްސަސާތަކާއި ރާއްޖޭގެ އެކި ސްކައުޓް ގްރޫޕްތައް ހިމެނެއެވެ.
މިއީ ހުނަރު ތަރައްގީ ކުރުމަށް ސްކައުޓް އެސޯސިއޭޝަންގެ ފަރާތުން ހިންގޭ ހަރަކާތެކެވެ. މި ހަރަކާތް އަމާޒު ކޮށްފައި ވަނީ ޕްރީކަބް ސްކައުޓުންނާއި ކަބް ސްކައުޓުންނަށެވެ.
ޕްރީކަބް ސްކައުޓުންގެ ގޮތުގައި ފަސް އަހަރާއި އަށް އަހަރާއި ދެމެދުގެ މެންބަރުންގެ ހިމެނޭއިރު އަށް އަހަރާއި 12 އަހަރާ ދެމެދުގެ މެންބަރުންގެ ގޮތުގައި ހިމެނޭނީ ކަބް ސްކައުޓްގެ ގޮތުގައެވެ.
ކަބްރެލީ އާއި ޕްރީކަބް މީޓް ރޭވިފައިވަނީ ފިޒިކަލީ ޗެލެންޖިން އެކްޓިވިޓީސް ތަކަކާއި އަދި ތަފާތު މައުލޫމާތާއި ހުނަރު ލިއްބައިދޭނެ ކަންތައްތަކެއް ސްކައުޓުން ތަޖުރިބާ ކުރަން ޖެހޭ ގޮތަށެވެ.
Advertisement
This content is created and paid for by advertisers and does not involve Voice Journalists
