އދ. މަހިބަދޫގައި ރައްޔިތުންނަށް ދެމުންދާ ކަރަންޓުގެ ޚިދުމަތުގެ ފެންވަރު ރަނގަޅުކުރުމަށް އައު ޖެނެރޭޓަރެއް އެރަށަށް ގެންގޮސްފި އެވެ.  

ސްޓެލްކޯއިން ބުނީ މަހިބަދޫގައި ރައްޔިތުންނަށް ބޭނުންވާ ކަރަންޓުގެ ޚިދުމަތުގެ ފެންވަރު މަތިކޮށް، އިތުރަށް ފުރިހަމަކުރުމަށްޓަކައި އެރަށަށް 600 ކިލޯވޮޓުގެ ގެ ޖަނަރޭޓަރެއް ގެންދެވިފައިވާ ކަމަށެވެ.

އަދި އެ ޖެނެރޭޓަރ އިންސްޓޯލްކުރުމުގެ މަސައްކަތް މިހާރު ފެށިފައިވާ ކަމަށްވެސް ސްޓެލްކޯއިން ބުނެއެވެ.

އަބާދީގެ ގޮތުން ގާތްގަނޑަކަށް 2500 އަށްވުރެ ގިނަ ރައްޔިތުން ދިރިއުޅޭ މަހިބަދޫ އަކީ އެ އަތޮޅުގެ ވެރިކަން ކުރާ ރަށްވެސް މެއެވެ. 

އެހެންކަމުން، އަތޮޅުގެ އެހެން ރަށްރަށުން ލިބެން ނުހުންނަށް އެތައް ޚިދުމަތެއް އެ ރަށުން ލިބޭ އިރު، ކަރަންޓް ގެ ޚިދުމަތުގެ ފެންވަރު ރަނގަޅު ވެގެން ދިޔުމަކީ ޚިދުމަތްދޭ ފަރާތްތަކާއި މުޅި ރަށަށް ވެސް ލިބޭނެ ވަރަށް ބޮޑު ފަސޭހައެކެވެ.