ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީ އާއި ގުޅިގެން 500 އަށްވުރެ ޝަކުވާ ހުށަހެޅިފައިވާ ކަމަށް އެމްޑީޕީގެ ރިޔާސީ ޕްރައިމަރީގެ އިންތިހާބު ކޮމިޓީން ހާމަކޮށްފިއެވެ. 

އެމްޑީޕީގެ ރިޔާސީ ޕްރައިމަރީ އާއި ގުޅިގެން މައުލޫމާތު ދިނުމަށް މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އިންތިހާބު ކޮމިޓީގައި ހިމެނިވަޑައިގަންނަވާ އެޕާޓީގެ ތަރުޖަމާނު އަނަސް އަބްދުއްސައްތާރު ވިދާޅުވީ، ރިޔާސީ ޕްރައިމަރީގައި ވާދަކުރުމުގެ ފުރުސަތު ހުޅުވާލުމާއި އެކު، ތިން މީހުންގެ މައްޗަށް އެކުލެވޭ ޝަކުވާ ބަލާ ކޮމިޓީއެއްވެސް އެކަލަވައިލާފައިވާނެ ކަމަށެވެ. 

"އެ ކޮމިޓީއަށް މިއަދުގެ މިހާތަނަށް 555 ޝަކުވާއެއް ހުށަހެޅިފައިވޭ. އެ ހުރިހާ ޝަކުވާ އަކަށްވެސް ޝަކުވާ ބަލާ ކޮމިޓީން ވާނީ ޖަވާބުވެސް ދީފައި. އަދި ޕާޓީގެ ގުނަންތަކުގެ ތެރެއިން ޝަކުވާ ތަކާއި މެދު ހިތްހަމަ ނުޖެހިގެން ހުށަހެޅޭ، ފަރާތްތަކަށް ހުށަހެޅި، އެ ފަރާތްތަކުން ވެސް އެ ޝަކުވާއަށް އެޓެންޑްވެ ޖަވާބު ދީފައިވާނެކަން ފާހަގަކޮށްލަން." އަނަސް ވިދާޅުވި އެވެ. 

Advertisement

މިއާއެކު އަނަސް ވަނީ ވޯޓުލާ ގަޑީގައިވެސް ޝަކުވާ ބަލާ ކޮމިޓީއަށް ޝަކުވާ ހުށަހެޅުމުގެ ފުރުސަތު ހުޅުވާލާފައިވާ ކަމަށާ، އެ ޝަކުވާތަކަށް އެދުވަހުން އެދުވަހަށް ޖަވާބުދާރީ ވަމުންދާނެ ކަންވެސް ފާހަގަކުރައްވާ ފައެވެ. 

މީގެއިތުރުން، މިހާތަނަށް ހުށަހެޅުނު ޝަކުވާތަކުގެ ތެރެއިން އެންމެ ގިނައިން ހުށަހެޅިފައިވަނީ ވޯޓާސް ލިސްޓް ގައި ނަންނެތީގެން ހުށަހެޅުނު ޝަކުވާތައް ކަމަށްވެސް އަނަސް ވިދާޅުވި އެވެ. 

"555 ޝަކުވާގެ ތެރެއިން މައިގަނޑު ގޮތެއްގައި ހުރީ ވޯޓާސް ލިސްޓް ގައި ނަންނެތިގެން ހުށަހެޅިފައި ހުރި ޝަކުވާ. އޭގެތެރެއިން އެޅިފައި ހުރި ފިޔަވަޅު ތަކަށް ބަލާއިރު، އޭގެތެރެއިން 457 ނަމެއް އުނި ކުރު ކުރުން ވެސް އެއީ އެޅުނު ފިޔަވަޅެއް." އަނަސް ވިދާޅުވި އެވެ. 

އަނަސް ވިދާޅުވީ ޝަކުވާ ބަލާ ކޮމިޓީން މައްސަލަ ބެލުމަށްފަހު އިސްލާހުކުރެވެން ކަމެއް ހުރި ނަމަ އެކަން ކޮށްފައިވާ ކަމަށެވެ.