ޚިޔާލުފާޅު ކުރުމުގެ މިނިވަންކަން ރައްޔިތުންނަށް އޮންނަންވާނެ ކަމަށް ބުނެ، ކީރިތި ޤުރުއާން އެންދުމަަށް ހުއްދަ ދިން ސްވިޑެން ސަރުކާރުގެ މުނާފިގުކަން ހާމަވެއްޖެއެވެ.
ސްވިޑްންގެ ފާ-ރައިޓް ޕާޓީގެ ހަރުކަށި ލީޑަރަކު ކަމުގައި ރަސްމުސް ޕަލުޑާން އިސްވެ އެގައުމުގައި ހުންނަ ތުރުކިޔޭ އެމްބާސީ ކުރިމަތީގައި ގުރުއާން އެންދި މައްސަލައެއް ފާއިތުވި ހަފްތާގައި ވަނީ ފެންމަތިވެފައިއެވެ.
ސްވިޑެން ގެ ފުލުހުންގެ ފުރިހަމަ ހިމާޔަތުގެ ދަށުގައި، ހިންގި މި ހަރުކަށި އަމަލު ގާތްގަޑަކަށް ގަޑި އިރެއްހާ އިރުވަންދެން ކުރިއަށް ދިޔަ އިރު، މި ހަރަކާތުގެ ތެރެއިން، ހަތިމުތަކެއް އެންދުމުގެ އިތުރުން ތުރުކިޔޭ އާއި ދެކޮޅަށް އަޑު އުފުލައި އިސްލާމް ދީނަށް ފުރައްސާރަ ވެސް ވަނީ ކޮށްފައެވެ.
މި ހަރަކާތް ހިންގުމަށް ސްވިޑެން ގެ ސަރުކާރުން ހުއްދަދީ, އެކަން ކުރާ މީހުންނަށް އެ ގައުމުގެ ސަރުކާރުގެ ފުލުހުން ހިމާޔަތް ދީފައިވާނީ އެއީ ގާނޫނުއަސާސީން ލިބިދީފައިވާ ޚިޔާލުފާޅުކުރުމުގެ މިނިވަންކަމުގެ ހައްގުގެ ބޭނުން ކޮށްގެން ހިންގި ހަރާކާތެއް ކަމަށް ބުނެއެވެ.
އެހެންނަމަވެސް، ސްވިޑެންގައި މުޒާހަރާ ކުރަމުންދިޔަ ގުރޫޕެއްގެ ބަޔަކު އެގައުމުގައި ހުންނަ އިސްރާއީލުގެ އެމްބަސީ ކުރިމަތީގައި، ޔަހޫދީންގެ މުގައްދަސް ފޮތެއް ކަމުގައިވާ ތައުރާތު އަންދާލަން ބޭނުން ކަމަށް ބުނެ، އެކަން ކުރުމުގެ ހުއްދައަށް ފުލުހުންގެ ކިބައިން އެދި، ފުލުހުންގެ ހިމާޔަތަށް އެދުމުން، އެގައުމުގެ ސަރުކާރުން ވަނީ އެކަން ހުއްޓުވާފައެވެ.
ތައުރާތު އަންދަލާން މަސައްކަތް ކުރި މީހުންނަށް އެކަން ކުރަން ސްވިޑެން ސަރުކާރުން ފުރުސަތު ދީފައި ނުވަނީ، އެގައުމުގައި ތިބި އިސްރާއީލުގެ ޑިޕްލޮމެޓުން، އެއީ "ނަފްރަތު އުފެއްދުމުގެ އަމަލެއް" ކަމަށް ބުނެ އެކަން ހުއްޓުވަން ސްވިޑްންގެ ސަރުކާރަށް އެންގުމުންނެވެ.
މިކަމާއި ގުޅިގެން ގިނަ ބައެއްގެ ފާޑުކިޔުންތައް ސްވިޑެން ސަރުކާރަށް ވަނީ އަމާޒުވެފައެވެ. އަދި މުސްލިމުންގެ އެންމެ މުގައްދަސް ފޮތް އެންދުމަށް ހުއްދަ ދިނުމަކީ ޚިޔާލު ފާޅުކުރުމުގެ މިނިވަންކަމަށް ވެފައި ޔަހޫދީންގެ ފޮތް އެންދުމަކީ ނަފްރަތު އުފެއްދުމުގެ ޢަމަލެއް ކަމަށް ވުމުން އެނގިގެން ދަނީ ސްވިޑެން ސަރުކާރުގެ މުނާފިގުކަން ކަމަށްވެސް ގިނަ ބަޔަކު އަންނަނީ ބުނަމުންނެވެ.
Advertisement
This content is created and paid for by advertisers and does not involve Voice Journalists
