ސްރީލަންކާގެ މިނިވަން ދުވަހު މުނާސަބަތުގައި ރައީސް އިބްރާހިމް މުހައްމަދު ޞާލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ތަހުނިޔާ ފޮނުއްވައިފިއެވެ.

ދެރައީސުން ތަހުނިޔާ ފޮނުވާފައި ވަނީ ލަންކާގެ 75 ވަނަ މިނިވަން ދުވަހުގެ މުނާސަބަތުގައެވެ.

އެގޮތުން ރައީސް ޞާލިހުގެ ތަހުނިޔާގެ މެސެޖުގައި ފާހަގަ ކުރެއްވި ގޮތުގައި، މިހާރަށްވުުރެ ބޮޑަށް ދެ ގައުމުގެ ގުޅުން ހަރުދަނާ ވެގެން ދާނެކަމަށް އުންމީދު ކުރައްވާކަމަށް ވިދާޅުވިއެވެ.

Advertisement

ރައީސް ނަޝީދުގެ މެސެޖުގައި ވިދާޅުވީ ލަންކާގެ މިހާރުގެ ހާލަތު އެފަދައިން އޮތް ނަމަވެސް ހާލަތު އިތުރަށް ރަނގަޅުވެ އަމިއްލަ ފައިމައްޗަށް ތެދުވެވޭނެ ކަމަށް ދެކިލައްވާ ކަމަށެވެ.

ސްރީލަންކާގެ މިނިވަންދުވަހުގެ ގޮތުގައި ފާހަގަކުރަނީ ފެބްރުއަރީ މަހުގެ 4 ވަނަ ދުވަހެވެ. މިނިވަން ދުވަސް ފާހަގަކުރުމަށް މިއަހަރު ގިނަ ހަރަކާތްތަކަށް ހިންގުމަށް ވަނީ ހަމަޖެހިފައެވެ.

ސްރީލަންކާގެ މިނިވަން ދުވަހާއި ގުޅިގެން ބާއްވާ ހަރަކާތްތަކުގައި ބައިވެރިވެވަޑައިގަތުމަށް ރާއްޖޭގެ ހާރިޖީ ވަޒީރު ޝާހިދު ވަނީ ލަންކާއަށް ވަޑައިގެންފައެވެ. ޝާހިދުގެ ދަތުރުފުޅުގައި ލަންކާގައި އުޅޭ ދިވެހިންނާއިވެސް ބައްދަލުކުރައްވާނެއެވެ. ފާހަގަކުރުމަށްޓަކައި ބޭއްވި ރަސްމިއްޔާތުގައެވެ.