ރައްޔިތުންގެ މަޖިލިސް ހުޅުވުމާއެކު ވާދަވެރި ސިޔާސީ ލީޑަރު ރައީސް ޔާމީން އަބްދުލްގައްޔޫމު މިނިވަންކުރުމަށް ގޮވާލާ އިދިކޮޅުން ކުރަން ފެށި މުޒާހަރާއަށް ފުލުހުން ހުރަސްއަޅައިފި އެވެ. 

ފުލުހުން ވަނީ މަޖިލިސް ކުރާ ގެ ހުންނަ ސަރަހައްދަށް ނުވަދެވޭގޮތަށް ވަށައިގެން ބެރިކޭޑު ޖަހާ ބަންދުކޮށްފަ އެވެ. 

އެހެން ނަމަވެސް އިދިކޮޅުގެ މުޒާހަރާގެ ބައިވެރިން ވަނީ ފުލުހުންގެ ބެރިކޭޑުތައް ޖަހާފައިވާ ސަހަރައްދުގައި މަޑުކޮށްގެން ތިބެ އަޑުއުފުލަން ފަށާފައެވެ. 

Advertisement

އިދިކޮޅުގެ މުޒާހަރާގެ ބައިވެރިން ރައީސް ޔާމީން މިނިވަންކުރުމަށް ގޮވާލާ އަޑުއުފުލަނީ

ގިނަ އަދަދެއްގެ ބަޔަކު މިއަދުގެ މުޒާހަރާގައި އަޑުއުފުލަމުން ދަނިކޮށް ފުލުހުން ވަނީ މުޒާހަރާ ރޫޅާލުމަށް މަސައްކަތް ފަށާފައެވެ. އަދި ހާލަތާއި ނުބައްދަލު ބާރުގެ ބޭނުންކޮށްފަ އެވެ. 

މުޒާހަރާ ރޫޅާލުމަށް މިހާތަނަށް 8 މީހުން ފުލުހުންގެ ބެލުމުގެ ދަށަށް ގެންގޮސްފައިވާއިރު އޭގެ ތެރޭގައި ހުރާ ކައުންސިލްގެ ރައީސާއި ނޮޅިވަރަމްފަރު ކައުންސިލްގެ ރައީސް ހިމެނިވަޑައިގަންނަވަ އެވެ. 

ފުލުހުން މުޒާހަރާ ރޫޅާލުމުގެ ތެރޭގައި ބާރުގެ ބޭނުން ކުރުމާއި ގުޅިގެން އަންހެނަކަށް ވަރަށް ބޮޑަށް ވަނީ އަނިޔާވެފަ އެވެ. އަދި އޭނާ މިވަގުތު ވަނީ ލިބުނު އަނިޔާތަކަށް ފަރުވާދިނުމަށް އައި.ޖީ.އެމް ހޮސްޕިޓަލަށް ގެންދެވިފަ އެވެ. 

އިދިކޮޅުގެ މުޒާހަރާގެ ތެރޭގައި އަނިވާވި މީހެއް 

މިއަދުގެ މުޒާހަރާ ރޫޅާލުމަށް ގިނަ އަދަދެއްގެ އެސްއޯ ފުލުހުން ދަނީ ހަރަކާތްތެރި ވަމުންނެވެ. 

މުޒާހަރާގެ ތެރެއިން ގިނަ ބަޔަކު ހައްޔަރު ކުރި ނަމަވެސް، އަދިވެސް އިދިކޮޅުން މުޒާހަރާ ހުއްޓާލާފައެއް ނުވެއެވެ. 

އިދިކޮޅުން ދަނީ ރައީސް ޔާމިން މިނިވަންކުރުމަށް ގޮވާލަމުން ނެވެ. އަދި ރައީސް އިބްރާހިމް މުހައްމަދު ޞާލިހު އިސްތިއުފާ ދެއްވުމަށް ވެސް އިދިކޮޅުގެ މުޒާހަރާގެ ބައިވެރިން ދަނީ ގޮވަމުންނެވެ.