ހއ. ހޯރަފުށީ ބަނދަރު މަގުގައި ކަދުރު ރުއް ބޭނުންވާ ކަދުރު ރުއް އިންދުމަށް ބީލަން ހުށަހެޅުމުގެ ދަޢުވަތު ހުޅުވާލައިފިއެވެ.
ހޯރަފުށީ ކައުންސިލްގެ ބަޔާނެއްގައި ބުނީ، މި ބީލަމުގައި ރަޖިސްޓްރީވުމަށް އިއްޔެއިން ފެށިގެން، އަންނަ މަހުގެ 16 ވަނަ ދުވަހުގެ 13:00 ގެ ނިޔަލަށް، މަޢުލޫމާތު [email protected] އަށް މެއިލް ކުރަން އެދޭ ކަމަށެވެ.
ބިޑް ހުށަހެޅުމުގެ ފުރުޞަތު ލިބޭނީ ބިޑްގައި ރަޖިސްޓްރީވާ ފަރާތްތަކަށް އެކަނި ކަމަށް ހޯރަފުށީ ކައުންސިލުން ބުންޏެވެ.
ބީލަމުގައި ރަޖިސްޓްރީ ކުރުމަށް ލިޔުމުން ހުށަހަޅާއިރު މަޢުލޫމާތު ސާފުކުރާ ފަރާތުގެ ނަމާއި ވިޔަފާރި ރަޖިސްޓްރީ ނަންބަރު، އީމެއިލް އެޑްރެސްގެ އިތުރުން ގުޅޭނެ މޮބައިލް ނަންބަރު ހިމަނަން ޖެހޭކަމަށް އެ ކައުންސިލްގެ ބަޔާނުގައި ވެއެވެ.
ބިޑު ހުޅުވުމަށް ހަމަޖެހިފައިވަނީ އަންނަ މަހުގެ 20 ވާ ހޯމަ ދުވަހުގެ 11:30 ގައި ތިލަދުންމަތީ އުތުރުބުރީ ހޯރަފުށީ ކައުންސިލްގެ އިދާރާގެ (އޯކިޑްވިލާ) ކޮންފަރެންސް ހޯލުގައި މި މަސައްކަތަށް އަންދާސީ ހިސާބު ހުށަހަޅުއްވާ ފަރާތްތަކުގެ ހާޒިރުގައެވެ.
ގަޑިޖެހުމަށްފަހު ހުށަހަޅާ ބީލަންތައް ބަލައިނުގަނެ އަނބުރާ ރައްދު ކުރެވޭނެ ކަމަށާއި ބީލަންތައް ހުންނަންވާނީ ސިޓީއުރައެއްގައި ބަންދުކުރެވިފައި ކަމަށް ހޯރަފުށީ ކައުންސިލުން ބުންޏެވެ.
Advertisement
This content is created and paid for by advertisers and does not involve Voice Journalists
