ކޮވިޑް ފަހުން ޗައިނާ ދަރުމަވެރިން ފުރަތަމަ ދިޔައީ ރާއްޖެއަށް ކަމަށް އެ ގައުމުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ވަންގް ލީޝިންގް ވިދާޅުވެއްޖެއެވެ.
ހުޅުމާލެ ހޮސްޕިޓަލުގެ އޮޕްތަލްމޮލޮޖީ ސެންޓަރު ކުރިއެރުވުމަށް ޗައިނާއިން ދޭ އެހީތަށް ފާހަގަ ކުރަން ބޭއްވި ހަފްލާގައި ވާހަކަ ދައްކަވަމުން ސަފީރު ވިދާޅުވީ ރާއްޖެއަކީ އަބަދުވެސް ޗައިނާއަށް ހާއްސަ ގައުމެއް ކަމަށެވެ.
ކޮވިޑަށްފަހު ޗައިނާގެ އެހީގެ ޓީމުތައް ފުރަތަމަ ޒިޔާރަތްކުރި ގައުމަކަށް ރާއްޖެ ވީ ޗައިނާގެ ރައީސް ޝީ ޖިންޕިންގް ޚާރިޖީ ސިޔާސަތުގައި ރާއްޖެއަށް ދީފައިވާ އަހަމިއްޔަތުކަމުގެ ބޮޑުކަމުން ކަން ސަފީރު ވިދާޅުވިއެވެ.
ކޮވިޑްގެ ސަބަބުން ޗައިނާގެ ދަރުމަވެރިން ގައުމުތަކަށް ފޮނުވުމުގެ ޕްރޮގްރާމް ތިން އަހަރަށް މެދުކެނޑުނެވެ. ނަމަވެސް އެކަން މިވަނީ އަލުން ފަށާފައެވެ.
ކޮވިޑަށްފަހު ޗައިނާ ފަތުރުވެރިން ވެސް މިފަހުން ވަނީ ރާއްޖެ އަހިސްފައެވެ. ޗައިނާ ފަތުރުވެރިން ރާއްޖެ އަންނަން ފެށީ މިދިޔަ މަހުގެ ތެރޭގައެވެ.
ގާތްގަނޑަކަށް، 3 އަހަރު ދުވަހުގެ މެދުކެނޑުމަކަށްފަހު ރާއްޖެއަށް ޗައިނާގެ ފަތުރުވެރިން އަންނަން ފަށާފައިވާއިރު، އެކަމާއި ގުޅިގެން ވާހަކަ ދައްކަވަމުން ވަން ލީޝިން ވަނީ، ދިވެހި ސަރުކާރުންނާއި، ޓޫރިޒަމް މިނިސްޓްރީއާއި އެމްއެމްޕީއާރުސީގެ ފަރާތުން ފަތުރުވެރިންނަށް ކިޔުއްވި ހޫނު މަރުހަބާ އަށް ވަރަށް ބޮޑަށް ޝުކުރު އަދާކުރައްވާފައެވެ.
Advertisement
This content is created and paid for by advertisers and does not involve Voice Journalists
