މިދިޔަ މަހު ފެމެލީ ކޯޓުގައި 195 ކައިވެނި ކޮށްފައިވާ ކަމަށާއި 127 ވަރި ވެފައި ވާކަމަށް ފެމެލީ ކޯޓުން ބުނެފިއެވެ.
ފެމެލީ ކޯޓުގެ މިދިޔަ މަހުގެ ތަފާސްހިސާބުތަކުން ދައްކާ ގޮތުގައި، މިދިޔަ މަހު ވަރީގެ 147 މައްސަލަ އެ ކޯޓަށް ވަނީ ހުށަހަޅާފައެވެ. އަދި ވަރީގެ މައްސަލަތަކުގެ ތެރެއިން 166 މައްސަލަ ނިމިފައި ވާއިރު 141 މައްސަލަ ހުރީ ނުނިމިއެވެ.
މިދިޔަ މަހު ވަރި ކުރުމަށް އެދި 23 މައްސަލަ ހުށަހަޅާފައި ވާއިރު ކުރީމަހުގެ ބާކީ 21 މައްސަލަ ކޯޓުގައި އޮތެވެ. އަދި 25 މައްސަލަ ނިމިފައި ވާއިރު 19 މައްސަލަ ނުނިމި ވާކަމަށް އެ ކޯޓުގެ ތަފާސްހިސާބުގައި ވެއެވެ.
މިދިޔަ މަސް ފެށުނު އިރު ދަރިންނަށް ހަރަދު ނުދިނުމުގެ 43 މައްސަލައެއް އޮތް އިރު މިދިޔަ މަހު އިތުރު 7 މައްސަލައެއް ކޯޓަށް ހުށައެޅިއެވެ.
ޖެނުއަރީ މަހުގެ ތަފާސްހިސާބުތައް ދައްކާ ގޮތުން ގެވެށި އަނިޔާއާއި ގުޅިގެން ހުށަހެޅުނު މައްސަލަތަކުގެ އަދަދު މިދިޔަމަހު 3ކަށް އަރައެވެ. އޭގެތެރެއިން 2 މީހުންނަކީ ރައްކާތެރިކަމުގެ އަމުރު ނުވަތަ ރައްކާތެރިކަމުގެ އަވަސް އަމުރެއް ނެރެދިނުމަށް އެދުނު މީހުންނެވެ.
Advertisement
This content is created and paid for by advertisers and does not involve Voice Journalists
