ދިރުވާލައިގެން ދިވެހިރާއްޖެއަށް މަސްތުވާތަކެތި އެތެރެކުރި ބިދޭސީއަކު ހައްޔަރުކޮށްފި އެވެ.
ދިވެހި ފުލުހުންގެ ޚިދުމަތުން ބުނީ، އެ އިދާރާގެ އިންޓެލިޖެންސަށް ލިބުނު މަޢުލޫމާތަކާއި ގުޅިގެން އިމިގްރޭޝަނާއި ކަސްޓަމްސްގެ އެހީތެރިކަމާއެކު ހިންގި އޮޕަރޭޝަނެއްގައި ރާއްޖެއަށް މަސްތުވާތަކެތި އެތެރެކުރަން އުޅުނު މީހަކު އަތުލައިގެންފައިވާ ކަމަށެވެ.
މި މައްސަލައިގައި ފުލުހުންގެ ބެލުމުގެ ދަށަށް ގެނެސްފައިވަނީ ލަޓްވިއާގެ 49 އަހަރުގެ ފިރިހެނެއް ކަމަށްވެސް ބުނެފައިވެއެވެ.
މީގެ އިތުރުން ފުލުހުން ބުނީ، އެ މީހާ ދިރުވާލައިގެން ގެނެސްފައިވާ މަސްތުވާތަކެތި ނެގުމުގެ މަސައްކަތް ދަނީ ކުރަމުންކަމަށެވެ.
މިއަދު ހައްޔަރު ކުރެވުނު މީހާ އެތެރެކުރި މަސްތުވާތަކެތީގެ ތަފްސީލް ފުލުހުން ހާމަކޮށްފައި ނުވާއިރު، ދާދިފަހުން ދޯހާއިން އައި އަންހެނެއްގެ އަތުން މަސްތުވާތަކެތި އަތުލުމަށްފަހު އޭނާ ފުރުވާލި މައްސަލައެއް ފެންމަތިވެ ގިނަ ބައެއްގެ ފާޑުކިޔުންތައް ސަރުކާރަށް ވަނީ އަމާޒުވެފައެވެ.
ޤަތަރުގެ ދޯހާއިން ވައިގެމަގުން ރާއްޖެއައި ބްރެޒިލްގެ ރައްޔިތެއްގެ ލަގެޖުން 6.5 މިލިއަން ރުފިޔާގެ މަސްތުވާތަކެތި ފެނިފައިވާއިރު, މަސްތުވާތަކެތި އެތެރެކުރާ ބޭރު މީހުން އެގޮތަށް ފޮނުވާލުން ހުއްޓުވުމަށް ކުއްލި މައްސަލައެއްވެސް މަޖިލީހަށް ވަނީ ހުށަހަޅާފައެވެ.
Advertisement
This content is created and paid for by advertisers and does not involve Voice Journalists
