ކ. ގުރައިދޫ ދާއިރާގެ މެމްބަރު އިބްރާހިމް ރިޒާ އަވަހާރަވެއްޖެއެވެ.
އޭނާ އަވަހާރަވީ މެލޭޝިއާގައެވެ. އަވަހާރަވީ ކެންސަރަށް ފަރުވާ ހޯއްދަވަމުން ގެންދަވަނިކޮށެވެ.
ރިޒާއަކީ ޕީޕީއެމްގެ ޓިކެޓްގައި 2009 ވަނަ އަހަރުން ފެށިގެން އެ ދާއިރާގެ މެންބަރުކަން ކުރައްވަމުން އަންނަ މެންބަރެވެ. މިއީ ރިޒާ މަޖިލީހުގައި ތިންވަނަ ދައުރެވެ.
ޤާނޫނީ ވަކީލުކަން ކުރައްވާ ރިޒާއަކީ ރައީސް ޢަބްދުﷲ ޔާމީނުގެ ވެރިކަމުގައި ރައްޔިތުންގެ މަޖިލީހުގެ މެންބަރުންގެ ތެރެއިން ޖުޑީޝަލް ސާވިސް ކޮމިޝަނުގެ މެންބަރުކަމަށް ހޮވާފައި ހުންނެވި ބޭފުޅާއެވެ. އޭނާ އެ މަޤާމުން ވަކިކުރީ ވެރިކަން ބަދަލުވުމަށްފަހު 2018 ވަނަ އަހަރުގެ ނޮވެންބަރު މަހުގައެވެ.
ރައްޔިތުންގެ މަޖިލީހުގެ މި ދައުރުގެ ތެރޭގައި ކޮމަންޑޫ ދާއިރާގެ މެމްބަރު ހުސައިން ވަހީދު ވެސް އަވަހާރަވީ ކެންސަރު ބަލީގައެވެ.
ގާނޫނުއަސާސީގައި ބުނެފައިވާ ގޮތުން ރައްޔިތުންގެ މަޖިލީހުގެ މެންބަރުކަމުގެ ގޮނޑި ހުސްވާ ތާރީހުން ފެށިގެން ދެ މަސް ދުވަހުގެ ތެރޭގައި އެ ގޮނޑިއަށް މީހަކު އިންތިހާބު ކުރަންޖެހޭނެއެވެ.
މިހާރު އޮތް މަޖިލީހުގެ ދައުރު ހަމާވާނީ އަންނަ އަހަރުގެ މެއި މަހުގެ 28 އަށެވެ.
Advertisement
This content is created and paid for by advertisers and does not involve Voice Journalists
