ވިލާ އެއަރ އަށް 11 އަހަރު ފުރުމާއި ގުޅިގެން އެކުންފުނީގެ ވެރިން ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަދި މަޖިލީހުގެ ނައިބް ރައީސް އީވާ އަބްދުالله ގެ އަރިހަށް ޒިޔާރަތް ކުރައްވައިފިއެވެ.
ވިލާ އެއަރގެ ފަރާތުން މަޖިލީހަށް ޒިޔާރަތް ކުރެއްވީ އެކުންފުނީގެ މެނޭޖިންގ ޑިރެކްޓަރ އަބްދުالله ނާޝިދު އެވެ. އަދި ވިލާ އެއަރގެ އިތުރު ބޭފުޅަކުވެސް މި ޒިޔާރަތުގައި ބައިވެރިވެފައިވެއެވެ.
ވިލާ އެއަރ ޕްރައިވެޓް ލިމިޓެޑް އަކީ ވިލާ ގްރޫޕްސް އެންޑް ކޮމްޕެނީސް ގެ ދަށުން ހިންގާ ކުންފުންޏެކެވެ. ވިލާ އެއަރ ރެޖިސްޓަރ ކުރެވިފައިވަނީ 2011 ވަނަ އަހަރުއެވެ.
ވިލާ އެއަރ އިން އެތެރޭގެ އުދުހުން ތަކާއި އެކު ރާއްޖެއިން ފުރައިގެން ބޭރުގެ އެކި ޤައުމުތަކަށް ވެސް ދަތުރުކުރެއެވެ.
މި ހިނގާ 2023 ވަނަ އަހަރު "ފްލައިގްރީން" ނަމަކަށް ކިޔާ ސްކީމެއް ތަޢާރަފް ކުރުމަށް ވިލާ އެއައި އިން ވަނީ ނިންމައިފައެވެ. މި ސްކީމަކީ ތިމާވެއްޓަށް ލިބޭ ގެއްލުން ތައް ކުޑަ ކުރުމަށް ތަޢާރަފްކުރާ ސްކީމެކެވެ.
ވިލާ އެއަރ އަށް 11 އަހަރު ފުރުމާއި ގުޅިގެން ވިލާ އެއަރ އިން މަޖިލިސް ރައީސް އާއި ނައިބް ރައީސް އަށް އެ ކުންފުނީގެ ރަމްޒީ ހަދިޔާ އެއް އަރުވައިފައިވެއެވެ.
Advertisement
This content is created and paid for by advertisers and does not involve Voice Journalists
