ވެލާނާގެ ސަރަހައްދުން ދެ ޕާކިންގ ޒޯން ނެގި ކަމަށް ބުނެ ވެލާނާ އިމާރާތުގައި ހިންގަމުންދާ ބައެއް އޮފީސްތަކުގެ މުވައްޒަފުން މުޒާހަރާއަށް ނުކުމެއްޖެއެވެ.

މިއަދު ގާތް 10:20 ހާއިރު ވެލާނާގޭ ކުރިމަތީގައި ފެށި މި ހިމޭން އިހްތިޖާޖުގައި ބައިވެރިވި މުވައްޒަފުން ތިބީ، ޕާކިންގ ގެ މައްސަލައާއި ގުޅިގެން އެކި ޝުޢޫރުތައް ލިޔެފައިވާ ފޯސްޓަރުތަށް ހިފައިގެންނެވެ. 

ޕާކިންގ ޒޯން މައްސަލައިގައި ސަރުކާރު މުވައްޒަފުން އިހްތިޖާޖު ކުރުން-- ފޮޓޯ/ މިދުއަމް ޓުވިޓާ

އެގޮތުން، އިހްތިޖާޖުގެ ބައިވެރިން ވަނީ، ވެރިންނަށް ވެލާނާގެ ތިރިން ޕާކު ކުރާނެ ތަން ލިބޭ ކަމަށާ، އެހެން ނަމަވެސް ބުރަ މަސައްކަތް ކުރާ މުވައްޒަފުންނަށް ޕާކު ކުރާނެ ތަނެއް ނުލިބޭ ކަމަށް ބުނެ، ޕާކު ކުރަންވީ ކޮންތަނަކުތޯ ސުވާލުކޮށްފައެވެ. 

ޕާކިންގ ޒޯން މައްސަލައިގައި ސަރުކާރު މުވައްޒަފުން އިހްތިޖާޖު ކުރުން-- ފޮޓޯ/ މިދުއަމް ޓުވިޓާ

އަދި މީގެ އިތުރުން، މަސައްކަތް ކުރެވޭނީ މުވައްޒަފުންނަށް ލުއި ގޮތް ހޯދައިދީގެން ކަމަށްވާއިރު, ސަރުކާރުގެ އެންމެ ގިނަ އޮފީސް ތައް ހުރި ހިސާބުގައި ޕާކު ކުރެވޭނެ ޖާގައެއް ނެތް ކަމަށްވެސް އެ ޕޯސްޓަރު ތަކުގައި ބުނެފައިވެއެވެ.