ހޭންޑްބޯލް މޯލްޑިވްސް އިން އިންތިޒާމްކޮށްގެން ކުރިއަށްގެންދިއުމަށް ހަމަޖެހިފައިވާ 06 ވަނަ ހޭންޑްބޯލް މޯލްޑިވްސް ޗެމްޕިއަންޝިޕް، މެއި މަހުގެ 10 ވަނަ ދުވަހު ބޭއްވުމަށް ހޭންޑްބޯލް އެސޯސިއޭޝަނުން ނިންމައިފިއެވެ.

އެ އެސޯސިއޭޝަނުން ކުރި އިއުލާނެއްގައި ބުނީ، މި މުބާރާތުގައި ބައިވެރިވުމަށް އެދޭ، އެ އެސޯސިއޭޝަންގެ މެމްބަރު ކްލަބްތަކުން، މުބާރާތުގައި ބައިވެރިވުމުގެ ރަޖިސްޓްރޭޝަން ފޯމު ފުރިހަމަ ކުރުމަށްފަހު، މި މަހުގެ 26  ވާ އާދީއްތަ ދުވަހުގެ 14:00 ގެ ކުރިން އެ އެސޯސިއޭޝަންއަށް އީމެއިލް ކުރުމަށް އެދޭ ކަމަށެވެ.

އަދި މުބާރާތުގައި ބައިވެރިވާ ކުލަބުތަކުގެ ޓީމް ލިސްޓް، 30 އޭޕްރީލް 2023 ވާ އަދީއްތަ ދުވަހުގެ 14:00 ގެ ކުރިން އެ އެސޯސިއޭޝަނުގެ އޮފީހަށް ހުށަހެޅުމަށް އެ އެސޯސިއޭޝަނުން ވަނީ އެދިފައެވެ.

Advertisement

ފޯމުތައް ދޫކުރުމަށް ހަމަޖެހިފައި ވަނީ ގަލޮޅު ދަނޑުގައި ހުންނަ އެ އެސޯސިއޭޝަންގެ އޮފީހުންނެއެވެ.

މުބާރާތުގައި ބައިވެރިވާ ކުލަބްތަކުގެ މެދުގައި ގުރުއަތުލުން ބޭއްވޭނެ ތަނަކާއި ވަގުތު ފަހުގެ ތާރީޚެއްގައި އަންގާނެ ކަމަށާއި އިތުރު މައުލޫމާތު ހޯދުވުމަށް އެ އެސޯސިއޭޝަން ގެ ޖެނެރަލް ސެކްރެޓަރީ (9879555) އާއި ގުޅުމަށް ހޭންޑްބޯލް މޯލްޑިވްސް އިން އެދެއެވެ.

މިދިޔަ އަހަރުގެ ހޭންޑްބޯލް ޗެމްޕިއަންޝިޕްގައި 23 ޓީމު ބައިވެރިވެފައި ވެއެވެ. އެއީ އަންހެން 15 ޓީމާއި ފިރިހެން 8 ޓީމެވެ.