19 އަހަރުން ދަށުގެ ގައުމީ ހޭންޑްބޯލް ސްކޮޑަށް ޝައުގުވެރިވާ ފަރާތްތަކަށް ފުރުސަތު ހުޅުވާލައިފިއެވެ.

ހޭންޑްބޯލް މޯލްޑިވްސްއިން ކުރި އިއުލާނެއްގައި ބުނީ، އެ އެސޯސިއޭޝަނުގެ 19 އަހަރުން ދަށުގެ އަންހެން/ފިރިހެން ގައުމީ ހޭންޑްބޯލް ސްކޮޑެއް އެކުލަވާލުމަށް ބޭނުންވާ ކަމަށެވެ.

އެހެންކަމުން ސްކޮޑްގައި ހިމެނެން ޝައުގުވެރިވާ ހުރިހާ ފަރާތްތަކަށް، އެ ފުރުސަތު ހުޅުވާލެވިފައިވާ ކަމަށެވެ. އެހެންކަމުން މިކަމަށް ޝައުޤުވެރިވާ ފަރާތްތަކުން އަންނަ އަންގާރަ ދުވަހުގެ ކުރިން، ގޫގަލް ފޯމް ފުރިހަމަ ކުރުމަށް ހޭންޑްބޯލް މޯލްޑިވްސްއިން ވަނީ އެދިފައެވެ.

Advertisement

19 އަހަރުން ދަށުގެ އަންހެން/ފިރިހެން ޤައުމީ ހޭންޑްބޯލް ސްކޮޑުގައި ބައިވެރިވެވޭނީ 2004 ވަނަ އަހަރު އުފަންވެފައިވާ ކުދިންނަށާއި 2005 ވަނަ އަހަރު އުފަންވެފައިވާ ކުދިންނަށް ކަމަށް ހޭންޑްބޯލް މޯލްޑިވްސް އިން ބުންޏެވެ.

އިތުރު މައުލޫމާތު ހޯއްދުމަށް 9879555 ނަންބަރު ފޯނަށް ގުޅުމަށް ހޭންޑްބޯލް މޯލްޑިވްސްއިން އެދެއެވެ.

ގޫގަލް ފޯމް ލިންކް: https://forms.gle/xWy5sVpFSGTL2aRk9