ކ. ގުރައިދޫ ދާއިރާގެ ރައްޔިތުން މަޖިލީހުގެ ބައި އިލެކްޝަނުގައި އިދިކޮޅު ޕީޕީއެމްގެ ޓިކެޓު އެ ދާއިރާގެ ކުރީގެ މެންބަރު އިބްރާހީމް ރިޒާގެ ކޮއްކޮ އަށް ދީފިއެވެ.

ޕީޕީއެމް އިން ބުނީ އެޕާޓީގެ ޕްރައިމަރީގައި ވާދަ ކުރުމަށް ހުޅުވާލި ފުރުސަތުގައި މުއްދަތު ހަމަވިއިރު ކުރިމަތިލާފައި ވަނީ އެޕާޓީގެ އާއްމު މެންބަރެއްގެ ގޮތުގައި ހުންނެވި، ހުސައިން ރިޒާ އެކަނި ކަމަށެވެ. އޭނާ އަކީ އިބްރާހީމް ރިޒާގެ ކޮއްކޮ އެކެވެ. 

ގުރައިދޫ ދާއިރާގެ ގޮނޑި ހުސްވެފައިވަނީ ކުރިން އެ މަގާމު ފުރުއްވަމުންދިޔަ ޕީޕީއެމްގެ މެންބަރު އިބްރާހީމް ރިޒާ އަވަހާރާވުމާއި ގުޅިގެންނެވެ. 

ގުރައިދޫ ދާއިރާގެ ޕީޕީއެމް ޓިކެޓް ރިޒާގެ ކޮއްކޮ އަށް ލިބިފައިވާއިރު، އެ ދާއިރާއަށް އެމްޑީޕީގެ ފަރާތުން ވާދަކުރާނެ ކެންޑިޑޭޓެއް ހޮވުމަށް ބާއްވާ ޕްރައިމަރީގައި ހަތަރު ކެންޑިޑޭޓުން ވާދަކުރެ އެވެ.  

1- މުޙައްމަދު މުސްތަފާ – ވިވިޑް / ކ. މާފުށި

2- ސަލްމާން ރަޝީދު – މާފަރިވާގެ / ކ. މާފުށި

3- އިބްރާހިމް ޝާޒް – ފައިވްރޯޒް / ކ ގުރައިދޫ

4- އަބްދުﷲ ސައީދު – ވެލި / ކ. ގުރައިދޫ

ގުރައިދޫ ދާއިރާގެ ބައި-އިލެކްޝަން އަންނަ އޭޕްރިލް މަހުގެ 15ވަނަ ދުވަހު ބާއްވާ ގޮތަށް އީސީ އިން ނިންމާފައިވާ އިރު، އެ ދާއިރާގެ ބައި އިލެކްޝަނުގައި ޕީޕީއެމްގެ އާއި އެމްޑީޕީގެ އިތުރުން އެމްއެންޕީ އިން ވެސް ވާދަ ކުރާނެއެވެ.