ދިވެހި ފުލުހުންގެ ޚިދުމަތުގެ 90 ވަނަ އަހަރީ ޖަލްސާގައި ފުލުހުންގެ އިސްވެރިންތަކަކަށް ކޮމާންޑަކަށް އަމަލު ކުރަން ނޭނގުމުން ގިނަ ބައެއްގެ ފާޑުކިޔުން އަމާޒުވެއްޖެއެވެ.
ފުލުހުންގެ ޚިދުމަތުގެ 90 ވަނަ އަހަރީ ޖަލްސާ ރޭގައި ބާއްވާފައިވާއިރު، އެ ޖަލްސާގައި ފުލުހުންގެ އިސްވެރިންނަށް ކޮމާންޑަކަށް އަމަލުކުރަން ނޭނގިގެން އުޅޭ ވީޑިއޯ މީސްމީޑިއާގައި މިހާރު އަންނަނީ ދައުރުވަމުންނެވެ.
އެ ވީޑިއޯގަައި ވާއަތްފަޅިއަށް އެނބުރި ސެލިއުޓް ނަގާފައި ޑިސްމިސްވާން ބުނާ ކޮމާންޑެއް ދިނީމުން އެ އަށް އަމަލު ކުރަން ނޭނގިގެން އެކި ފުލުސް އޮފިސަރުން އެކަކު އަނެކަކާއި ދިމާއަށް ބަލާ މަންޒަރު ފެންނައިރު، އެކި މީހުން އެ ކޮމާންޑަށް ޢަމަލު ކޮށްފައި ވަނީވެސް އެކި ވަރަކަށެވެ. އާއްމުގޮތެއްގައި ފުލުހުންގެ ކޮމާންޑް ތަކަށް ޢަމަލު ކުރާއިރު، ހުރިހާ ފުލުހުންވެސް ކުރަނީ އެންމެން އެއްވަރަކަށް ވަރަށް ރިވެތި ކޮށެވެ.
އެހެންކަމުން، އިސްވެރިންގެ ފަރާތުން މިފަދަ ކަމެއް ފެނުމުން އެއީ ވަރަށް ލަދުވެތި ކަމެއްގެ ގޮތުގައި މީހުން އަންނަނީ ސިފަ ކުރަމުންނެވެ.
އަދި މިއީ ވަރަށް އަންޕްރޮފެޝަނަލް ކަމެއް ކަމަށާ، މުޅި ފުލުހުންގެ މުއައްސަސާވެސް މިހާރު ވަނީ ކޮރަޕްޓް ވެފައި ކަމަށް ގިނަ ބަޔަކު ވަނީ ބުނެފައެވެ.
Advertisement
This content is created and paid for by advertisers and does not involve Voice Journalists
