ހުޅުމާލެ 2 ވަނަ ފިޔަވަހީގައި ފަހި ދިރިއުޅުން ކޯޕަރޭޝަނުން އިންޑިއާގެ ޖޭއެމްސީއާ ހަވާލުކޮށްގެން ހިންގާ ހައުސިން މަޝްރޫއުގެ މަސައްކަތްކުރާ މުވައްޒަފުން އިންޑިއާ އެމްބަސީ ދޮށަށް އެއްވެ އިހްތިޖާޖު ކޮށްފި އެވެ.
ޖޭއެމްސީގެ މުވައްޒަފުންނަށް މުސާރަ ނުދޭ މައްސަލަ އާއި އެނޫންވެސް މައްސަލަ ތަކާއި ގުޅިގެން އެ މުވައްޒަފުން އިހުތިޖާޖު ކުރާތާ 3 ދުވަސް ވެއްޖެއެވެ. އެގޮތުން އިއްޔެވެސް މުވައްޒަފުން އިހްތިޖާޖު ކޮށް ހަމަނުޖެހުން ހިންގާފައިވާއިރު، ފުލުހުން ވަނީ އެ އިހްތިޖާޖު ރޫޅާލާފައެވެ.
އަދި މިއަދުވެސް އެ ކުންފުނީގެ މުވައްޒަފުން އިންޑިޔާ އެމްބަސީ ދޮށަށް އެއްވުމުން، ފުލުހުން ނުކުމެ ވަނީ އިހްތިޖާޖުގެ ބައިވެރިން ފޮނުވާލާފައެވެ.
"ވޮއިސް" އަށް މައުލޫމާތު ދެމުން ޖޭއެމްސީގެ މުވައްޒަފަކު ބުނީ، އެ ކުންފުނީގެ މުވައްޒަފުންގެ މައިގަނޑު ޝަކުވާއަކީ މުސާރަ ނުދިނުމުގެ މައްސަލައާއި، ރަނގަޅަށް ކާން ނުދިނުމާއި، ބޭސްފަރުވާގެ މައްސަލަ ކަމަށެވެ.
އަދި މީގެ އިތުރުން، އިއްޔެގެ މުޒާހަރާގެ ތެރެއިން އެ ކުންފުނީގެ މުވައްޒަފަކު ފުލުހުން ހައްޔަރުކޮށްފައިވާ ކަމަށާ، އޭނާ އަދިވެސް ދޫކޮށް ނުލާ ކަމަށް އޭނާ ބުނެފައިވެއެވެ. އެހެންނަމަވެސް، ހަތަރު ގަޑި އިރުތެރޭގައި އޭނާ ދޫކޮށްލާނެ ކަމަށް އިއްޔެ ފުލުހުން ބުނެފައިވާކަން އޭނާ ފާހަގަކުރި އެވެ.
އެހެންކަމުން، އެމްބަސީ ދޮށަށް އެއްވީ އޭނާ ހައްޔަރުގައި ބަހައްޓާ މައްސަލާގައި ކަމަށްވެސް އޭނާ ބުންޏެވެ.
މީގެ ކުރިންވެސް މުސާރަ ނުދީގެ ޖޭއެމްސީ މުވައްޒަފުން ހަޅުތާލުކޮށްފައިވެއެވެ.
Advertisement
This content is created and paid for by advertisers and does not involve Voice Journalists
