އަރަބިއްޔާ ސްކޫލު ކުދިންނަށްވެސް ވާދަ ކުރެވޭ ގޮތަށް ގަދަ 10 ހޮވުމުގެ އުސޫލު ބަދަލުކޮށްފިއެވެ.

އޯލެވެލް އަދި އޭލެވެލްގެ ގަދަ 10 ހޮވާއިރު މީގެ ކުރިން އަރަބިއްޔާ ސްކޫލު ކުދިންނަށް ބައިވެރިއެއް ނުވެެއެވެ. އެއީ ގަދަ 10 ހޮވުމުގައި އިނގިރޭސި މީޑިއަމަށް ބަލާތީއެވެ. ނަމަވެސް އުސޫލު އިސްލާހުކޮށް، އަރަބި މީީޑިއަމް ސްކޫލު ތަކުގެ ޝަހާދާއި އިއުދާދީ އިމްތިހާނުގެ ނަތީޖާވެސް ގަބޫލު ކުރާ ގޮތަށް އިސްލާހު ބަދަލު ކޮށްފައި ވާތީ، ދެން ގަދަ 10 ހޮވާއިރު އަރަބިއްޔާ ކުދިންނަށްވެސް ބައިވެރި ވެވޭނެއެވެ.

އެހެންކަމުން އެޑިޔުކޭޝަން މިނިސްޓްރީން މިއަދު އާއްމު ކުރި "ސާނަވީ ސްކޫލްގެ ކިޔެވުމާއި މަތީ ސާނަވީ ސްކޫލް ނިންމާ އިމްތިހާންތަކުން އެންމެ ރަނގަޅު 10 ނަތީޖާ ހޯދި ދަރިވަރުން ކަނޑައަޅާ އުސޫލް"ގައި އަރަބިއްޔާ ސްކޫލް ވަނީ ހިމަނާފައެވެ.

Advertisement

އެ އުސޫލުގައި ވާގޮތުން، އަރަބި މަންހަޖަށް ކިޔަވައިދޭ ސްކޫލުތަކުން އެންމެ ރަނގަޅު ނަތީޖާ ހޯދާ ދަރިވަރުން އޯލެވެެލްގައި ކަނޑައަޅާނީ ގްރޭޑް ނުވައެއް ނިންމާ، ޝަހާދާ އިއުދާދީ މާއްދާތަކުގެ ނަތީޖާއާއި ގްރޭޑް 10 ނިންމާ އޯލެވެލް އަދި އޭލެވެލް އިމްތިހާނުގެ ނަތީޖާއަށް ބަލައިގެން ކަމަށެވެ.

ގްރޭޑް 12ގެ ދަރިވަރުންގެ ތެރެއިން ޝަހާދާ ސާނަވިއްޔާ ނިންމާ ދަރިވަރުންގެ ނަތީޖާއަށް ބަލައިގެން އޭލެވެލްގައި ގަދަ 10 ކަނޑައަޅާ ގޮތަށް އުސޫލަށް ވަނީ އިސްލާހު ގެނެސްފައެވެ.