ތިލަދުންމަތީ އުތުރުބުރީގެ އެކި ދާއިރާތަކުން ފާހަގަކުރެވޭ ފަރާތްތަކަށް އެވޯޑު ދިނުމަށް އެ އަތޮޅުގެ އަތޮޅު ކައުންސިލުން ނިންމައިފިއެވެ.

ހއ. އަތޮޅު ކައުންސިލުން ކުރި އިއުލާނެއްގައި ބުނީ، "ތިލަ އުތުރު އެވޯޑް"ގެ ނަމުގައި އަތޮޅު ކައުންސިލްގެ ފަރާތުން ހާއްސަ އެވޯޑެއް ދިނުމަށް ހަމަޖެހިފައި ވާކަމަށެވެ.

މި އެވޯޑު ހާއްސަ ކޮށްފައި ވަނީ އެކި ދާއިރާތަކުން ހއ. އަތޮޅަށް ފާހަގަ ކޮށްލެވޭ ހިދުމަތްތަކެއް ކޯށްދީފައިވާ ފަރާތްތަކަށާއި ތަފާތު ފަންނުތަކުން ފާހަގަ ކޮށްލެވޭ ހިދުމަތްތައް ކޮށްދީފައިވާ މީހުންގެ އިތުރުން ހއ. އަތޮޅު ސްކޫލު، މަދަރުސާތަކުން ފަޚުރުވެރި ވަނަތައް ހޯދައިދީފައިވާ ފަރާތްތަކަށް އަދި އަތޮޅުގެ ޚިދުމަތްތެރި ރިޒޯޓް ތަކަށެވެ.

Advertisement

މީގެ އިތުރުން އެވޯޑު ދިނުމަށް ހަމަޖެހިފައި ވަނީ އަތޮޅުގެ އެންމެ ހިންގުންތެރި ރަށު ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީ އާއި އެންމެ ހިންގުންތެރި ކުލަބު ޖަމިއްޔާއަށެވެ.

މި އަހަރުގެ ތިލައުތުރު އެވޯޑު ދިނުމަށް ހަމަޖެހިފައި ވަނީ އަންނަ މަހުގެ 21 ވަނަ ދުވަހުގެރޭ 9:00ގައި ހއ. އަތޮޅު ކައުންސިލްގެ އިދާރާގައެވެ.

މި އިނާމަށް ކުރިމަތިލާން ބޭނުންވާ ފަރާތްތަކުން، މިއަދުން ފެށިގެން، މި މަހުގެ 27 ވަނަ ދުވަހުގެ ނިޔަލަށް އެޕްލިކޭޝަން ފޯމު ހުށަހެޅުމަށް ހއ. އަތޮޅު ކައުންސިލުން އެދިފައިވެއެވެ.