މާލެ ސަރަހައްދުގައި ދިރިއުޅޭ ބިދޭސީންނަށް ރޯދަ ވީއްލުން ހަދިޔާކުރާނެ ފަސޭހަ ގޮތެއް އުރީދޫ މޯލްޑިވްސްއިން ހަމަޖައްސައިފިއެވެ.

'މިޝަން ފޮ މައިގްރެންޓް ވޯކާސް މޯލްޑިވްސް'އާ ގުޅިގެން "ޑޮނޭޓް އެން އިފްތާރު ޕެކް" ނަމުގައި އުރީދޫން ފެށި މި ރޯދަ ވީއްލުން ޕްރޮގްރާމުގައި ރޯދަ ވީއްލުން ހަދިޔާކުރަން ހުޅުވާލާފައިވަނީ އުރީދޫގެ އީ-ވޮލެޓު 'އެމް-ފައިސާ' މެދުވެރިކޮށެވެ.

އެގޮތުން ޑޮނޭޓް ކުރަން ބޭނުންވާ ފަރާތްތަކުން އުރީދޫ އެޕްލިކޭޝަނަށް ވަނުމަށް ފަހު 'ޑޮނޭޓް އެން އިފްތާރު' އަށް ދިއުމަށްފަހު ހަދިޔާކުރަން ބޭނުންވާ ޕެކްތަކުގެ އަދަދު ހިޔާރުކޮށްލުމުން އުރީދޫ މެދުވެރިކޮށް ރޯދަ ވީއްލުން ހަދިޔާ ކުރެވޭނެ ކަމަށް އުރީދޫއިން ބުނެއެވެ. 

Advertisement

އެގޮތުން ހަދިޔާ ކުރެވޭ ކޮންމެ ރޯދަ ވީއްލުމުގެ އަގަކީ 50ރ. އެވެ.

އުރީދޫއިން ބުނީ މި ޕްރޮގްރާމް ގެ އަމާޒަކީ ރޯދަމަހަކީ ސަދަގާތުގެ މައްސަރަކަށް ވެސް ވުމާ އެކު، މާލެ ސަރަހައްދުގައި އުޅޭ ބިދޭސީންނަށް ރޯދަ ވީއްލާނެ ލުއި ގޮތެއް ހަމަޖައްސައިދިނުންކަމަށެވެ.