ރައްޔިތުންގެ މަޖިލީހުގެ މެންބަރުކަން ކުރެއްވި ބޭފުޅުންނާއި، މިހާރުގެ މެންބަރުންނާއި މެންބަރުންގެ ޑިޕެންޑެންޓުންނަށް ހެލްތު އިންޝުއަރެންސްގެ ޚިދުމަތް ފޯރުކޮށްދޭނެ ފަރާތެއް ހޯދުމަށް ހެލްތް މިނިސްޓްރީން އިއުލާނު ކޮށްފިއެވެ.

ފިނޭންސް މިނިސްޓްރީން ބުނީ، މި ޙިދުމަތް ހޯދުމަށް ބޭނުންވަނީ 23 މަސް ދުވަހަށް ކަމަށެވެ.

އޭގެ ތެރެއިން މި އަަހަރުގެ ޖޫން މަހުން ފެށިގެން އަންނަ އަހަރުގެ މޭ މަހުގެ ނިޔަލަށް އިންޝުއަރެންސް ފޯރުކޮށްދިނުމަށް ހަމަޖެހިފައި ވަނީ މަޖިލީހުގެ މެންބަރުކަން ކުރެއްވި ބޭފުޅުންނާއި، 19 ވަނަ ރައްޔިތުންގެ މަޖިލީހުގެ މެންބަރުންނާއި އެ މެންބަރުންގެ އަނބިން/ފިރިންނާއި 18 އަހަރު ނުފެރޭ ދަރިންއޭވެ.

އަދި އަންނަ އަހަރުގެ މޭ މަހުން ފެށިގެން 2025 ވަނަ އަހަރުގެ މޭ މަހުގެ ނިޔަލަށް އިންޝުއަރެންސް ފޯރުކޮށްދިނުމަށް ހަމަޖެހިފައި ވަނީ ރައްޔިތުންގެ މަޖިލީހުގެ މެންބަރުކަން ކުރެއްވި ބޭފުޅުންނާއި، 20 ވަނަ ރައްޔިތުންގެ މަޖިލުގެ މެންބަރުންނާއި އެ މެންބަރުންގެ އަނބިން/ފިރިންނާއި 18 އަހަރު ނުފުރޭ ދަރިންނަށެވެ.

މި ޙިދުމަތްދިނުމަށް ޝަރުތުހަމަވާ ފަރާތެއް ހޯދުމުގެ ކަންތައް ކުރިޔަށް ގެންދެވޭނީ ނޭޝަނަލް ކޮމްޕެޓިޓިވް ބިޑިންގ (އެން.ސީ.ބީ) އުސޫލުގެ މަތިން ކަމަށް ފިނޭންސް މިނިސްޓްރީގެ އިއުލާނުގައި ވެއެވެ.

މި ހިދުމަތާއި ގުޅޭގޮތުން އާއްމުކުރާނެ އެންމެހައި ލިޔެކިޔުންތައް އަންނަ ބުރާސްފަތި ދުވަހުން ފެށިގެން ސޮފްޓްކޮޕީ ފޯރމެޓުގައި ފިނޭންސް މިނިސްޓްރީގެ ވެބްސައިޓް www.finance.gov.mv  އިން ޑައުންލޯޑް ކުރެވެން ހުންނާނެ ކަމަށް މިނިސްޓްރީން މައުލޫމާތު ދިނެވެ.