Advertisement
ރައީސް ޔާމީން ހުންނަވާ ޖަލުގައި ކެމެރާ ހަރުކޮށްގެން ފޯނުން ބަލާ ކަމަށް އިދިކޮޅުން ތުހުމަތު ކޮށްފި
ކުރީގެ ރައީސް އަބްދުﷲ ޔާމީން ހުންނަވާ ޖަލުގައި ކެމެރާ ހަރުކޮށްގެން ފޯނުން ބަލާ ކަމަށް އިދިކޮޅުން ތުހުމަތު ކޮށްފިއެވެ.
ޕްރޮގްރެސިވް ކޮންގްރެސް ކޯލިޝަނުން މިރޭ ކުރިއަށް ގެންދިޔަ ނޫސްވެރިންގެ ބައްދަލުވުމުގައި ޕީއެންސީގެ ރައީސް އަބްދުއްރަހީމް (އަދުރޭ) ވިދާޅުވީ، ރައީސް ޔާމީންއާ ޒާތީވެފައިވާ މީހަކު ބަލަހައްޓާ ޖަލެއްގައި ޔާމީނު ހުންނަވާތީ ވަރަށް ކަންބޮޑުވާ ކަމަށެވެ.
އަދި ޖަލު ބަލަހައްޓާ މީހުން މެދުވެރިކޮށް ވެސް ޔާމީނަށް އެކި ގޮތްގޮތުން ދުއްތުރާ ކުރަން މަސައްކަތް ކުރާކަމަށާއި އެއީ ވަރަށް ކަންބޮޑުވާ ކަމެއް ކަމަށް އަބްދުއްރަހީމް ވިދާޅުވިއެވެ.
Advertisement
"ފާހާނާއަށް ދަންދެން ކެމެރާ އަޅާއިގެން ގޭގަ އިނދެގެން ރައީސް ޔާމީނުގެ ހުރިހާ ހަރަކާތެއް ބެލޭގޮތަށް ހުރިހާ މޫމްމަންޓްސްއެއް ބެލޭގޮތަށް އިމްރާމް ރާވާފަ ހުރި ކަމަށް. މީ އަޅުގަނޑުމެންނަށް ލިބޭ މައުލޫމާތު. މިވަރުގެ ނުބައި ނުލަފާ މީހެއް އިމްރާނަކީ."
އަބްދުއްރަހީމް ވިދާޅުވިއެވެ.
މީގެ އިތުރުން އަބްދުއްރަހީމް ވިދާޅުވީ، ރައީސް ޔާމީނަށް އިންތިހާބުގައި ވާދަކުރަން އެއްވެސް ހުރަހެއް ނެތްކަމަށް އިލެކްޝަންސް ކޮމިޝަނުން ބުނާއިރު ރިޔާސީ އިންތިހާބަށް އެންމެ ހަތަރު މަސް ދުވަހަށް ވީއިރުވެސް ކެމްޕޭން ކުރުމުގެ ފުރުސަތުވެސް ޔާމީނަށް ނުދެއްވާ ކަމަށެވެ.
"މުޅި ސަރުކާރު ރާވައިގެން ރައީސް ޔާމީނަށް އަނިޔާކުރަމުން ދަނީ. މިކަމުގެ މުގުލުގައި ހުރީ ހޯމް މިނިސްޓަރު"
އަބްދުއްރަހީމް ވިދާޅުވިއެވެ.
އަބްދުރަހީމް ތުހުމަތު ކުރައްވިގޮތުގައި ކެމެރާ ހަރުކުރުމަށްފަހު ފޯނުން ބަލަމުން ދަނީ ހޯމް މިނިސްޓަރ އިމްރާންއެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
