މަސައްކަތް ހުއްޓާލާނީ އިންތިހާބުގައި ޔާމީން ހޮވާފައި ކަމަށް މާލޭ މޭޔަރު ޑރ. މުހައްމަދު މުއިއްޒު ވިދާޅުވެއްޖެއެވެ.
މުއިއްޒު މިހެން ވިދާޅުވީ ޕްރޮގްރެސިވް ކޮންގްރެސް ކޯލިޝަނުން މިރޭ ކުރިއަށް ގެންދިޔަ ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުންނެވެ.
މުއިއްޒު ވިދާޅުވީ އިދިކޮޅުގެ ރިޔާސީ ކެނޑިޑޭޓާކީ ޔާމީނު ކަމަށާއި އެކަމުގައި އެއްވެސް ދެބަސްވުމެއް ނެތް ކަމަށެވެ. އަދި އެންމެން ތިބީ އެއްބަސް ކިޔައިގެން ކަމަށެވެ.
"އިރާދަކުރެއްވިއްޔާ އަޅުގަނޑުމެން މިކުރާ މަސައްކަތް ކާމިޔާބުކޮށް، ކުރިއަށް އޮތް ރިޔާސީ އިންތިހާބުގަ އަޅުގަނޑުމެންގެ މަސައްކަތުން ރާއްޖޭގެ ރައީސުލް ޖުމްހޫރިއްޔާ ކަމަށް ރައީސް ޔާމީން ހޮވާފަ ހުއްޓާލާނީ" ޔާމީން ވިދާޅުވިއެވެ.
ރިޔާސީ އިންތިހާބުގައި ޔާމިނަށް ވާދަ ނުކުރެއްވޭނެ ހާލަތެއް އަތުވެއްޖެ ނަމަ ދެން ޕީޕީއެމްއިން އެ މަގާމަށް ގެންނާނީ ކާކުތޯ ސުވާލު ކުރުމުން އިދިކޮޅު ލީޑަރޝިޕުން ވިދާޅުވީ އިދިކޮޅުގެ ފުރަތަމަ ހޮވުމަކީވެސް އަދި ދެވަނަ ހޮވުމަކީވެސް އަދި ތިންވަނަ ހޮވުމަކީވެސް ޔާމީނު ކަމަށެވެ.
ރައީސް ޔާމީނަށް އިންތިހާބުގައި ވާދަކުރަން އެއްވެސް ހުރަހެއް ނެތްކަމަށް އިލެކްޝަންސް ކޮމިޝަނުން ބުނާއިރު ރިޔާސީ އިންތިހާބަށް އެންމެ ހަތަރު މަސް ދުވަހަށް ވީއިރުވެސް ކެމްޕޭން ކުރުމުގެ ފުރުސަތުވެސް ޔާމީނަށް ނުދެއްވާ ކަމަށް މިރޭގެ ނޫސްވެރިންގެ ބައްދަލުވުމުގައި ޕީއެންސީގެ ރައީސް އަބްދުއްރަހީމް (އަދުރޭ) ވިދާޅުވިއެވެ.
Advertisement
This content is created and paid for by advertisers and does not involve Voice Journalists
