ފަނޑިޔާރުގެތައް އިސްލާޙް ވެއްޖެކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ވިދާޅުވާތީ ލަދުގަންނަވާ ކަމަށް މަހިބަދޫ ދާއިރާގެ މަޖިލިސް މެމްބަރު އަޙްމަދު ޠާރިޤް ޓޮމް ވިދާޅުވެއްޖެއެވެ.

ޠާރިޤް މިހެން ވިދާޅުވީ ރޭ ޕީޕީއެމް ޕީއެންސީ ކޯލިޝަނުން ބޭއްވި ޚާއްސަ ޖަލްސާގައި ވާހަކަ ދައްކަވަމުންނެވެ.

ޠާރިޤް ވިދާޅުވީ ފަނޑިޔާރުގެ އިސްލާޙު ކުރުމަކީ 2018 ވަނަ އަހަރު ރައީސް ޞާލިޙް ވެވަޑައިގެންނެވި ރިޔާސީ ވަޢުދެއް ކަމަށެވެ. އަދި އޭރު ފަނޑިޔާރުގެ އިސްލާޙު ކުރުމަށް ޖޭއެސްސީ އިސްލާޙު ކުރަން ޖެހޭ ކަމަށާއި، އަދި އެތަނުގެ ތެރޭގައި ސިޔާސީމީހުން ތިބުމުން އެކަން އިސްލާޙު ކުރައްވާނެ ކަމަށް  2018 ގައި ރައީސް ޞާލިޙް ވިދާޅުވިކަމަށް ޠާރިޤް ވިދާޅުވިއެވެ. ޠާރިޤް ވިދާޅުވީ ރިޔާސީ ވަޢުދުވެ ވަޑައިގެން އިރުވެސް ދިރާސާ އެއް ކުރައްވާފަ ހުރިހެން ހީނުވާ ކަމަށެވެ.

Advertisement

ޠާރިޤް ވިދާޅުވީ ދުނިޔޭގެ އެހެން ޤައުމު ތަކުގައި ފަނޑިޔާރުން އިސްލާޙު ކުރާ ތަންތަނުގެ ކަންކަން ކޮންމެވެސް ވަރަކަށް ބައްލަވައި ލެއްވި ކަމަށާއި، ގިނަ ޤައުމު ތަކުގައި ފަނޑިޔާރުން އިސްލާޙު ކުރާ  މުއައްސަސާގައި އުއްތަމަ ފަނޑިޔާރު ހިމެނޭކަމަށެވެ. ނަމަވެސް ރައީސް ޞާލިޙް ވިދާޅުވީ ފަނޑިޔާރުން އިސްލާޙު ކުރުމަށް އެއްވެސް ފަނޑިޔާރަކު ނުހުންނާނެ ކަމަށާއި، ތިން އަހަރުން ތިން އަހަރުން ބަދަލު ވާނެ ކަމަށެވެ.

"އެބީދައިން ބަލާފަ، އިސްލާހު ލައިފިން 3 ފަހަރު، ދައުުރު ނިމެން 3 މަސްދުވަހަށް ވީއިރު އެެއްވެސް އިސްލާާހެއް ހުށައަޅައިފައެއް ނުވޭ، އަޅުގަނޑު ތިން ފަހަރު މަތިން ލީ އިސްލާޙު ވަނީ މެޖޯރިޓީ ބޭނުންކޮށްގެން ބޭރުކޮށްލާފައި" ޠާރިޤް ވިދާޅުވިއެވެ.

ޠާރިޤް ވިދާޅުވީ އެއިސްލާޙު ތަކަކީ ރާއްޖޭގެ ކުރީގެ ބަންްޑާރަ ނައިބުންނާއި ދާއިރާގެ ފުންނާބު އުސް ބޭފުޅުންގެ ޚިޔާލާ އެކު ހުށައެޅުނު އިސްލާހުތަކެއް ކަމަށެވެ. މިހާރު ފަނޑިޔާރުގެ އިސްލާޙު ވެއްޖެކަމަށް ދިވެހި ރައްޔިތުން ޤަބޫލުކުރާ ކަމަށް ރައީސް ޞާލިޙް ވިދާޅުވިކަމަށް ވިދާޅުވެ ޠާރިޤް ވިދާޅުވީ ރާއްޖޭގެ ދެބައިކުޅަ  އެއްބައި ރައްޔިތުން ތާއީދު ކުރާ ރައީސް ޔާމިނަށް ދަށުކޯޓުގައި މައްސަލައެއް، ހައި ކޯ ކޯޓުގައި މައްސަލައެއް ނުވިތާކަށް ޕީޖީގަވެސް މައްސަލައެއް އޮންނަ ކަމަށެވެ. 

އަދި ހުކުމް ކުރާ ކޮންމެ ފަނޑިޔާރަކު އެބަ ހައި ކޯޓަށް "ޖަމްޕު ޖަހާ" ކަމަށާއި، ހައިކޯޓުން ސްޕްރީމް ކޯޓަށް "ޖަމްޕު ޖަހާ" ކަމަށް ޠާރިޤް ވިދާޅުވިއެެވެ. ޠާރިޤް އިތުރަށް ވިދާޅުވީ ދަށު ކޯޓުަގައި ރައީސް ޔާމިނާއި ދެކޮޅަށް މައްސަލަ ބައްލަވާ ފަނޑިޔާރަށްވެސް، ރައީސް ޔާމިނާއި ދެކޮޅަށް ރަނގަޅު ޙުކުމެއް، ސަރުކާރުން ބޭނުންވާގޮތައް ޙުކުމެއް ޖަހައިފިއްޔާ ހައިކޯޓަށް ދެވޭނެ ކަށް އެނގޭ ކަމަށެވެ.

ޠާރިޤް ރޭގެ ޖަލްސާގައި، ޖޭއެސްސީ އިސްލާޙު ކުރައްވާނެ ކަމަށް ރައީސް ޞާލިޙް ވައުދުވެ، އެއަަށް ޢަމަލު ކުރައްވާފަައި ނުވާތީ  ވަރަށް ބޮޑަށް ފާޑު ކިޔުއްވައިފައިވެއެވެ.