ދިވެހިރާއްޖޭގެ ސިޔާސީ މަޝްރަހާއި، އަދި އިދިކޮޅުގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް އާއި މެދު ސަރުކާރުން ކަން ކުރަމުން އަންނަ ގޮތާއިމެދު، އިދިކޮޅުގެ ހުރި ކަންބޮޑުވުންތައް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި ހިއްސާ ކުރެއްވުމަށް ވަޑައިގަންނަވާތާ 4 ދުވަސް ވީއިރުވެސް ބައްދަލުވާގޮތް ނުވުމުން، އިދިކޮޅުން އެމަނިކުފާނަށް ސިޓީއެއް ފޮނުއްވައިފި އެވެ.
އިދިކޮޅުން މިއަދުވެސް ރައީސް ޞާލިހާއި ބައްދަލުކުރައްވަން ވަޑައިގެންނެވުމުން، ރައީސް އޮފީހުން އެންގެވީ ރަސްމީ ޕްރޮޓޮކޯލްއިން ރައީސް ސޯލިހަށް ސިޓީ ލިބިވަޑައިނުގަންނަވާ ކަމަށް ކަމަށް އިދިކޮޅުުން ވަނީ ބުނެފައެވެ. އެެެެހެންކަމުން މިއަދު ރައީސް އޮފީހުގައި ތިއްބަވައިގެން، އިދިކޮޅުންް ވަނީ ރައީސް ޞާލިހުއަށް އެޑްރެސް ކުރައްވައި ސިޓީއެއް ލިޔުއްވާފައެވެ.
އިދިކޮޅު ކޯލިޝަނާއި މިވަގުތު ހަވާލުވެވަޑައިގެން ހުންނެވި ޕީއެންސީގެ ރައީސް އަބްދުއްރަހީމް އަބްދުالله ގެ ނަމުގައި ލިޔުއްވާފައިވާ އެ ސިޓީގައި ބުނީ، އިދިކޮޅުން ރައީސް ޞާލިހާއި ބައްދަލުކުރެއްވުމަށް އަންނަނީ ރައްޔިތުންގެ ހުރި ގިނަ ކަންބޮޑުވުންތަކާއި އެކުގައި ކަމަށެވެ.
"އޭގެ ތެރޭގައި ދިވެހިރާއްޖޭގެ އެންމެ ގިނަ ރައްޔިތުންގެ ތާއީދު ލިބިވަޑައިގެން ހުންނެވި އިދިކޮޅު ލީޑަރ އަދި ރިޔާސީ ކެންޑިޑޭޓް މަނިކުފާނު (ރައީސް ޞާލިހު) އިސްވެހުރެ އަނިޔާ ކުރަމުންދާތީ އާއި، އެމަނިކުފާނު (ރައީސް ޔާމީން) ޖަލުގައި ބާއްވައިގެން، ދިވެހި މަސްކަނޑުތަކާއި، ދިވެހިރާއްޖޭގެ ބިން ބިމާއި، މިނިވަންކަން ވިއްކާލައި، ރައްޔިތުން އަޅުވެތިކުރަމުންދާތީ އާއި، ދައުލަތުގެ ތިން ބާރުން އެއް ބާރު ކަމުގައިވާ، ގާނޫނު ހެދުމުގެ ބާރު (ރައްޔިތުންގެ މަޖިލީސް) ހުއްޓުމަކަށް މަނިކުފާނު ގެނެސްފައިވުމާއި، އަދި ރައްޔިތުންނަށް ޖަވާބުދާރީ ނުވެ، ރައްޔިތުންނަށް ފިއްލަވައިގެން އުޅުއްވާތީއާއި މިފަދަ އެތައް ކަމެއް ހުރުމުންނެވެ."
އަދުރޭގެ އެ ސިޓީގައި ވަނީ މީގެ ކުރިންވެސް ރައީސް ޞާލިހާއި ބައްދަލުކުރެއްވުމަށް އެދި އެތައް ސިޓީއެއް މީގެ ކުރިންވެސް ފޮނުއްްވާފައިވާ ކަން ފާހަގަކުރައްވާފައެވެ. އެހެންކަމުން ވޭހާވެސް އަވަހަށް ރައީސް ޞާލިހާއި ބައްދަލުކުރެވޭނެ ގޮތެއް ހަމަޖައްސައިދިނުމަށް ވަނީ އެދިލައްވާފައެވެ.
Advertisement
This content is created and paid for by advertisers and does not involve Voice Journalists
