ރިސޯޓެއްގައި ފަތުރުވެރިއަކު ގެނބިގެން މަރުވެއްޖެއެވެ.
މަރުވެފައިި ވަނީ ޔޫއެސްއޭއަށް ނިސްބަތްވާ، އުމުރުން 45 އަހަރުގެ ފިރިހެނެކެވެ.
"ވޮއިސް"އަށް މައުލޫމާތު ދެއްވަމުން ފުލުހުން ބުނީ، މ. އަތޮޅު ރިސޯޓެއްގައި މޫދަށް އެރި އުޅުނު ފަތުރުވެރިއެއް ގެނބިގެން އޭޑީކޭ ހޮސްޕިޓަލަށް ގެންގޮސްފައި ވާކަމަށް މިއަދު ފުލުހުންނަށް ރިޕޯޓު ކޮށްފައިވާ ކަމަށެވެ.
"ހޮސްޕިޓަލަށް ގެންދިޔައިރުވެސް މީހާ ނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވޭ" ފުލުހުން ބުންޏެވެ.
ފުލުހުން ބުނީ މި މައްސަލަ އިތުރަށް ތަހުގީގު ކުރަމުންދާ ކަމަށެވެ.
ފަތުރުވެރިއަކު ގެނބިގެން މިއަދު މަރުވެފައި ވާއިރު، މާލެ އަތޮޅު ރިސޯޓެއްގެ ޕޫލެއްގެ ތެރޭގައި މަރުވެފައި އޮތް ކުޑަ ކުއްޖަކު ފެނިފައި ވަނީ އިއްޔެއެވެ.
ފުލުހުން ބުނެފައިވަނީ ކ އަތޮޅު ރިސޯޓެއްގެ ޕޫލަކަށް އެރިއުޅުނު ކުއްޖަކު ގެބިގެން އިއްޔެ އޭޑީކޭ އަށް ގެންދިޔަ ކަމުގެ މައުލޫމާތު ލިބިފައިވާކަމަށެވެ.
ފުލުހުން ބުނެފައިވަނީ އެކުއްޖާ ހޮސްޕިޓަލަށް ގެންދިޔައިރުވެސް މަރުވެފައި ވާކަމަށް ގޮސްޕިޓަލުން މައުލޫމާތު ދީފައި ވާކަމަށެވެ.
ނިޔާވެފައިވަނީ އިންޑިޔާގެ، އުމުރުން 8 އަހަރުގެ އަންހެން ކުއްޖެއްކަމަށްވެސް ފުލުހުން ބުނެފައިވެއެވެ.
ފުލުހުން ބުނީ މިމައްސަލަވެސް ތަހްޤީޤު ކުރަމުންދާކަމަށެވެ.
Advertisement
This content is created and paid for by advertisers and does not involve Voice Journalists
