މި ވެރިކަން ބަދަލު ކުރުމަށްޓަކައި، އިއްތިހާދުވާން ޖެހުނު މީހަކާއެކު އިއްތިހާދުވާން ތައްޔާރަށް ހުރި ކަމަށް ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު އީވާ އަބްދުالله ވިދާޅުވެއްޖެއެވެ.
އީވާ މިހެން ވިދާޅިވީ މިއަދު މަޖިލީހުގެ ތަޅުމުގައި ވާހަކަ ދައްކަވަމުންނެވެ.
އީވާ ވިދާޅުވީ، ޑީއާރުޕީއަށް ވީހެން، އަންނަ އަހަރު އެމްޑީޕީގެ ވެރިއަކަށް ހުންނަވާނީ އަބްދުالله ޖާބިރު ކަމަށެވެ.
"ދެވަނަ ދައުރުގެ ވާހަކަ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ދައްކަވާނެ ކަމެއް ނެތް. ފެށިއިރުގަވެސް ތާއީދެއް އޮތީކީނޫން. މިހާރު އޮތް ޕާޓީވެސް ބައިބައިވީ. އެހެންވީމަ ހިސާބު އަކުރު ޖަހާލީމާވެސް އިނގޭ، އިއްޒަތްތެރި ރައީސް، ދެން އެއްވަނަ ބުރު ކިޔާނެ ކަމެއް ނެތް، ދެވަނަ ބުރެއްވެސް ނެތްކަން" އީވާ ވިދާޅުވިއެވެ.
މީގެ އިތުރުން އީވާ ވިދާޅުވީ ރައީސް ޞާލިހު ހަމައެކަނި ގެންގުޅުއްވާ އެއްޗަކީ ފައިސާ ކަމަށެވެ.
ރައްޔިތުންގެ މަޖިލީހުގެ އެމްޑީޕީ މެމްބަރުން ޕާޓީން އިސްތިއުފާ ދެއްވާކަން ފާހަގަ ކުރައްވައި އީވާ ވިދާޅުވީ، ޕާޓީން ކެނޑޭނީ ހަމައެކަނި 15 މެމްބަރުން ނޫން ކަމަށާއި، ކުރިއަށް އޮތް ތާނގައި އިތުރު މެމްބަރުން އިސްތިއުފާ ދެއްވާނެ ކަމަށެވެ.
"އަޅުގަނޑުމެން މީ ޑިމޮކްރެޓުން. އަޅުގަނޑުމެން މިތިބީ މި ވެރިކަން ބަދަލުވާން އިއްތިހާދުވާން ޖެހުނު މީހަކާއެކީ އިއްތިހާދުވެގެން ރައީސުލް ޖުމްހޫރިއްޔާ އިބްރާހިމް މުހައްމަދު ޞާލިހުގެ މި ވެރިކަން ބަދަލުކުރަން" އީވާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
