އިންސާނުންގެ ދަތް ތިން ވަނަ ފަހަރަށް ފެޅުމަށް އެހީވެދޭނެ ބޭހެއް އުފެއްދުމަށް ސައިންސް ވެރިން ފަށާފައިވާ މަސައްކަތް ނިމުމަކާއި ގާތަށް ހިނގައްޖެއެވެ.
މީޑިއާ ރިޕޯޓްތައް ބުނާގޮތުން ކިރުބޯ ދަތްތައް ވެއްޓުމަށްފަހު ދެން ފަޅާ ދަތްތައް ވެއްޓުމުންވެސް އަލުން ދަތް ފެޅުމަށް އެހީވެދޭ ބޭހެއް އުފެއްދުމުގެ މަސައްކަތް ސައިންސް ވެރިން ކުރަމުންދާއިރު، އެ މަސައްކަތް މިހާރު އޮތީ ކްލިނިކަލް ޓްރައިލް ގެ މަރުހަލާ އަށް ދިޔުމާއި ގާތުގައެވެ. އަދި ބެލެވޭ ގޮތުގައި، ކްލިނިކަލް ޓްރައިލް ގެ މަސައްކަތް އަންނަ އަހަރުގެ ޖުލައި މަހުގެ ތެރޭގައި ފެށޭނެ ކަމަށްވެސް ރިޕޯޓްތައް ބުނެއެވެ.
މި ބޭސް ހުރިހާ މަރުހަލާތަކެއް ކަޑައްތު ކުރުމަށްފަހު, ފަރުވާއަށް ބޭނުން ކުރުމަށް ދަތުގެ ޑޮކްޓަރުންނާއި ހަމައަށް އަންނާނީ 2030 ވަނަ އަހަރުގެ ތެރޭގައި ކަމަށްވެސް މީޑިއާ ރިޕޯޓްތައް ބުނެއެވެ.
މި ބޭސް އުފެއްދުމުގައި އިސްކޮށް ހަރަކާތްތެރިވާ ޖަޕާނުގެ ދަތުގެ ޑޮކްޓަރުން ބުނެފައިވާ ގޮތުގައި، މިއީ އެކި ބަލިތަކާއި ހުރެ ދަތް ނުފަޅާ މީހުންނާއި އެ ނޫންވެސް ހާލަތްތަކާއި ގުޅިގެން ދަތް ވެއްޓިފައި ނުވަތަ ނަގަން ޖެހިފައިވާ މީހުންނަށް އަލުން އެ ދަތް ފެޅުމަށް އެހީވެދޭނެ ބޭހެކެވެ. އަދި މި ބޭހަކީ ހުރިހާ ދަތުގެ ޑޮކްޓަރުންގެވެސް ހުވަފެނެއް ކަމަށް އެ މީހުން ވަނީ ބުނެފަ އެވެ.
Advertisement
This content is created and paid for by advertisers and does not involve Voice Journalists
