ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހު ގެ ކެމްޕެއިން ދަތުރުތަކުގައި ސަލާމްކުރަން މީހުން ގިނަކޮށް ސަފުތައް ދިގު ކުރަނީ މަޖުބޫރުކޮށްގެން ރަށްރަށުން މީހުން ނެރެގެން ކަމުގައި ވިދާޅުވެ ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުހައްމަދު ވަހީދު، ރައީސް ސޯލިހަށް ވަރަށް ބޮޑަށް ފާޑު ވިދާޅުވެއްޖެއެވެ.
ރައީސްގެ ކެމްޕެއިން ދަތުރެއްގައި އެމްޑީޕީގެ ކުރީގެ ޗެއާޕާސަން ރީކޯ މޫސަ ދެއްކެވި ވާހަކަފުޅެއް ހިމެނޭ ވީޑިއޯއެއް އާންމުކުރައްވައި ވައްޑޭ ކުރެއްވި ޓުވީޓެއްގައި ބުނެފައިވަނީ ސަލާމް ކުރަން ރަށްރަށުން ގެންނަ މީހުން އަނދިރި ޖެހުމުން ފުރުމާއިއެކު ދެން އެ ފެންނަނީ އަސްލު ސައިޒު ކަމުގައެވެ.
ވައްޑެ ހިއްސާކުރެއްވި ވީޑިއޯގައި މޫސާ ވިދާޅުވަނީ, ސަލާމްކޮށް ގައި ހަރުގެޔަށް ދާއިރު ތަންކޮޅެއް މީހުން މަދުކަމުގައި އެ ބޭފުޅާގާތުގައި ބައެއް މީހުން ބުނާ ކަމުގައެވެ.
އަޅުގަނޑު އެމީހުން ކައިރީގައީ މި ބުނަނީ ސަލާމްކުރަން ތިބި މީހުން ތިބީ ރައީސްއާއި ސަލާމް ކުރެއްވުމަށްޓަކައި ކުޑަކުދިން ގޭގައި ބައިތިއްބާފައި، ބަތްތަވާ އުނދުން މައްޗަށް އުދާފައި އަދި އަޅުގަނޑުމެންނަށް ދޭން ބޮނޑިބަތް ވެސް އުދާފައޭ
ވީޑިއޯގައި މޫސާ އިތުރަށް ބުނެފައިވެއެވެ.
މިކަމަށް ފާޑުވިދާޅުވެ ވައްޑެވަނީ، ރައީސް ވަހީދުގެ ވެރިކަމުގައިވެސް ހެނދުނު ސަފުތާކުގެ ދިގު މިނާއި ލިބުނު ވޯޓުގެ އަދަދު ތަފާތު ނޫންތޯ ސުވާލު ކުރައްވައިފައެވެ.
ރިޔާސީ އިންތިހާބުގެ ކެމްޕެއިންގައި ރައީސް ރަށްރަށް ވަޑައިގަންނަވާއިރު، ކައިރި އެހެން ރަށްރަށުން މީހުން ގެނެސްގެން ސަޕޯޓަރުން ގިނަ ކަމަށް މަންޒަރު ދައްކާ ކަމަށްބުނެ ވަރަށް ގިނަ ބަޔަކު އަންނަނީ ފާޑުކިޔަމުންނެވެ.
Advertisement
This content is created and paid for by advertisers and does not involve Voice Journalists
