މޫސުމް ގޯސްވެ މާލޭގެ އެކި ސަރަހައްދުތަކަށް ކުރަމުންދާ އުދައިގެ ނުރައްކާ ބޮޑުވެ ހައިވޭއިން ދަތުރު ކުރި ބަޔަކަށް ގެއްލުންވެއްޖެއެވެ. 

މީސް މީޑިޔާގައީ މިހާރު އާންމުވަމުންދާ ވީޑިއޯއަކުން ފެންނަ ގޮތުގައި ހުޅުމާލެ ހައިވޭ- ހުޅުލެއާއި ހަމައިން ބްރިޖް އަށް އެރުމަށް އޮންނަ ހައިވޭ- ސަރަހައްދުން ދުއްވާފައި ބްރިޖް އަށް އެރުމަށް އައި ގިނަ އަދަދެއްގެ ސައިކަލުތަކެއް، އެ ވަގުތު އެ ދިމާލު ފުއްޓަފުން ބިންދާލި ދަޅަކާއެކު ވަނީ ކަހާލައިފައެވެ. 

މިއަދު މާލޭގެ އެކި ސަރަހައްދުތަކަށް އުދައިގެ އަސަރުކުރަމުން ދާއިރު، ރާޅުގަނޑު ސަރަހައްދުން ވެސް ވަރަށް ބޮޑަށް އުދަ އަރަމުންދާކަން ފާހަގަކޮށްލެވެއެވެ. 

Advertisement

އުދައެރުން ހުއްޓެންދެން، ޒަރޫރީ ދަތުރުތައް މެނުވީ ނުކުރުމަށް ދިވެހި ފުލުހުންގެ ޚިދުމަތުން ވަނީ މިހާރު އިލްތިމާސްކޮށްފައެވެ.

ފުލުހުން މިއަދު ކުރެއްވި ޓްވީޓެއްގައި ވިދާޅުވީ މާލެއާއި ހުޅުމާލެ އާ ދެމެދު ޒަރޫރީ ދަތުރުތައް މެނުވީ ނުކުރުމަށާއި ޒަރޫރީ ދަތުރުތައް ކުރުމަށްވެސް، ހަތަރު ފުރޮޅުލީ އުޅަނދު ބޭނުންކުރެއްވުމަށެވެ