މި ސަރުކާރުގެ ތަރައްޤީގެ މަޝްރޫޢުތައް ކުރިއަށް ގެންދިއުމުގައި ބައެއް ރަށްރައް އިސްފަސްވަނީ ކުރީ ސަރުކާރުން އެފަދަ މަޝްރޫއުތައް ހިންގުމުގައި މާބޮޑަށް އެ ރަށްތައް ބާކީކޮށްފައި ހުރުމުން ކަމުގައި އެމްޑީޕީގެ ރިޔާސީ ކެންޑިޑޭޓް، އަދި ރައީސުލްޖުމްހޫރިއްޔާ އިބްރާހީމް ޞާލިޙް ވިދާޅުވެއްޖެއެވެ.

ބ ތުޅާދޫގައި މިރޭ ކުރިއަށްދިޔަ ރިޔާސީ އިންތިހާބުގެ ކެމްޕެއިން ޖަލްސާގައި ވާހަކަ ދައްކަވަމުން ރައީސް ޞާލިޙް ވިދާޅުވީ ކޮންމެ ރަށަކުންވެސް އެރަށެއްގެ ރައްޔިތުން ބޭނުންވާނީ ސަރުކާރުގެ ތަރައްޤީގެ މަޝްރޫޢުތައް އެންމެ ފުރަތަމަ އެ ރަށެއްގައި ހިންގައި ނިންމުމަށް ކަމުގައެވެ. 

އެހެން ނަމަވެސް އެފަދަ މަޝްރޫއުތައް ކުރިއަކަށް ގެންދިއުން އިސްފަސްވަނީ އިހުގެ ސަރުކާރުން އެރަށްތައް ބާކީކޮށްފައި އޮތުމުން ކަމުގައި ފާހަގަކުރައްވާ ރާއީސް އިތުރަށް ވިދާޅުވީ، ތަރައްޤީގައި ހާއްސަ އިސްކަމެއް ދޭންޖެހޭ ބައެއް ދާއިރާތައް ބައެއް ރަށްރަށުގައި އެބަ ހުރިކަމުގައެވެ. 

މީގެ އިތުރުން ރައީސްގެ ވާހަކަ ފުޅުގައި ވިދާޅުވީ ބ އަތޮޅަށް ކުރެއްވި ދަތުރުން ރިޔާސީ އިންތިހާބަށް އެ އަތޮޅުގެ ރައްޔިތުން ތައްޔާރުވެފައިވާ މިންވަރު ހާމަވެގެން ގޮއްސި ކަމަށާއި ފެނިވަޑައިގަންނަވީ އެމްޑީޕީއާއި ގުޅިފައިވާ ކޯލިޝަނުން ބޮޑުތަނުން މި އިންތިހާބު ކާމިޔާބު ކުރާތަންކަމުގައެވެ. 

ރިޔާސީ އިންތިހާބުގެ ކެމްޕެއިންގައި ރާއްޖޭގެ ގިނަ ރަށްތަކަކަށް ރާއީސް ޞާލިހާއި ކެމްޕެއިން ޓީމުން އަންނަނީ ދަތުރު ކުރަމުންނެވެ.