ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙްގެ ވެރިކަމުގެ ފަސް އަހަރު ހަމަވާއިރު ގިނަ މަޝްރޫޢުތައްް ހުރީ "ނުނިމޭ ، ނުނިމޭ، މަރުހަލާގައި ކަމަށަށާއި ދެން ހުރި ގިނަ މަޝްރޫޢުތައްް ހުރީ"އަންނަނީ އަންނަނީ" ގައި ކަމުގައި ވިދާޅުވެ ޕީއެންސީގެ ރައީސް އަބްދުއްރަހީމް އަބްދުالله މިހާރުގެ ސަރުކާރަށް ވަރަށް ބޮޑަށް ފާޑު ވިދާޅުވެެއްޖެއެވެ. 

ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ރިޔާސީ ކެމްޕެއިންގައި މުއިއްޒުއާއި ކެމްޕެއިން ޓީމުން ނ ކެނދިކުޅުދޫއަށް ކުރެއްވި ދަތުރުގައި އެ ރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައި އަބްދުރަހީމް ވިދާޅުވީ، ރައީސް އިބްރާހިމް މުހައްމަދު ޞާލިހްގެ ސަރުކާރުން ފަށައިފައިވާ މަޝްރޫޢުތައްް ނިމުނިއްޔާ ނިމުނުކަން ނުވަތަ ނޫންކަން ރައީސް ޞާލިހަށް އެނގެންޖެހޭނެ ކަމަށެވެ. 

އަބްދުއްރަހީމް ވިދާޅުވީ، ކެމްޕެއިންގައި ކޮންމެ ރަށަކަށް ޒިޔާރަތްކުރުމުންވެސް އިވެނީ އެ ރަށްރަށުގައި ފެށި މަޝްރޫއެއެއް ވިއްޔާ ނުނިމޭ ވާހަކަ ކަމަށާއި، ނުވަތަ ބޭނުންވާ މުހިއްމު މަޝްރޫއުތައް ނުފެށި ނުވަތަ ފުރިހަމަ ނުވެ ހުރީ ވާހަކަތައް ކަމުގައެވެ. 

އެހެންކަމުން މި ފަސް އަހަރުން މި ގެނެވުނު ތަރައްޤީއަކީ ކޮންތާކަށް ކޮން ގޮތަކުން ގެނެވުނު ތަރައްޤީއެއް ބާއޭ ހިތަށް އަރާކަމުގައި އަބްދުރަހީމް ވިދާޅުވިއެވެ. 

އަދި މި ތަރައްގީ ގެންނަނީ ކޮން ބަޔަކަށް ކަމުތޯ އަބްދުއްރަހީމް ވަނީ ސުވާލު ކުރައްވާފައެވެ.