ޑރ މުހައްމަދު މުއިއްޒުގެ ވެރިކަމެއްގައި މަސްވެރިކަމާއި މަސްވެރިކަމުން އުފައްދާ އުފެއްދުންތައް ދުނިޔޭގެ ބާޒާރުގައި އިޝްތިހާރުކުރުމާއި ޕްރޮމޯޓް ކުރުމަށް ހާއްސަ އެޖެންސީއެއް ގާއިމްކޮށްދޭނެ ކަމުގައި އެމަނިކުފާނު ވިދާޅުވެއްޖެއެވެ. 

ރިޔާސީ އިންތިހާބުގެ ކެމްޕެއިންގައި ރޭ ށ ފުނަދޫގައި އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައި މުއިއްޒު ވިދާޅުވީ ރާއްޖޭގެ ފަތުވެރިކަން އިސްތިހާރުކުރުމަށް ހާއްސަ މުއައްސަސާތައް އޮތްއިރު، ރާއްޖޭގެ މަސްވެރިކަން އިސްތިހާރު ކުރުމަށް އެފަދަ އިދާރާތައް ނެތް ކަމަށާއި، އެކަމަށް ވެސް އެފަދަ އިދާރާއެއް ބޭނުންވާ ކަމަށެވެ.

އެގޮތުން މެނިފެސްޓޯގައި މަސްވެރިކަން އިސްތިހާރު ކުރުމަށް ހާއްސަ އެޖެންސީއެއް ގާއިމް ކުރުމަށް މެނިފެސްޓޯގައި އޮންނާނެ ކަމަށް މުއިއްޒުވަނީ ވިދާޅުވެފައެވެ. 

Advertisement

އެ ޖެންސީގެ ބޭނުމަކީ، މަސްވެރިކަމުގެ އުފެއްދުންތައް ދުނިޔޭގެ މާކެޓްގައި އިސްތިހާރުކޮށް، ފަސޭހައިން ވިއްކޭނެ ގޮތް ހެދުން ކަމުގައި ޑރ މުހައްމަދު މުއިއްޒު ވަނީ ވިދާޅުވެފައެވެ.