މުއިއްޒުއަކީ ވަރަށް ރަނގަޅު ހެޔޮލަފާ ދަރިއެއްކަމަށާއި ކެމްޕެއިންގައި ވެވަޑައިގަންނަމުންދާ ހުރިހާ ވައުދުތަކެއްވެސް ފުއްދައިދޭނެ ކަމުގެ ފުރިހަމަ ޔަގީންކަން އެބަ އޮތްކަމުގައި  ޕީޕީއެމް/ ޕީއެންސީގެ ރިޔާސީ ކެންޑިޑޭޓް ޑރ. މުޢިއްޒުގެ މަންމާފުޅު ހުސްނާ އާދަމް އިސްމާޢިލް މަނިކް ވިދާޅުވެއްޖެއެވެ. 

ރިޔާސީ އިންތިހާބުގެ ކެމްޕެއިންގައި ޑރ މުއިއްޒުއާއި ކެމްޕެއިން ޓީމުން މިއަދު ނ ހޮޅުދުއަށް ވަޑައިގަތުމުން އެ ރަށުގެ ގިނަ އަދަދެއްގެ މީހުން ވަނީ ނިކުމެވަނީ މުއިއްޒުއަށް މަރުހަބާ ކިޔައިފައެވެ. އެ މީހުންގެ އެންމެ ކުރީސަފުގައި މަރުހަބާ ދެންނެވުމަށް ހުންނަވަނީ މަންމާފުޅު ވިސްނާ އާދަމް އިސްމާއިލް މަނިކެވެ. 

އެރަށުން ނޫސްވެރިންނަށް ދެއްވި ޚާއްސަ އިންޓަވިއުއެއްގައި މުއިއްޒުގެ މަންމާފުޅު ވިދާޅުވީ، އިންތިހާބުގެ ކެމްޕެއިންގައި މުއިއްޒު ވެ ވަޑައިގަންނަވާ އެންމެހާ ވައުދުތަކަކީވެސް ހަމަ ފުއްދަވާނެ ވައުދުތައް ކަމަށާއި މުއިއްޒުއަކީ ވަރަށް ހެޔޮ ރަނގަޅު ދަރިއެއްކަމަށެވެ. އެހެންކަމުން އެ މަނިކުފާނު ވެ ވަޑައިގަންނަވާ ވައުދުތައް ފުއްދަވާނެ ކަމުގެ ފުރިހަމަ ޔަޤީންކަން އެބަ އޮތް ކަމުގައެވެ. 

Advertisement

މީގެ އިތުރުން މުއިއްޒުގެ މަންމާފުޅު ވިދާޅުވީ މިފަދަ މަގާމަކަށް މުއިއްޒު ވާދަކުރައްވާތީ ވަރަށް އުފާވާ ކަމަށާއި، މާތް الله ގެ އިރާދަފުޅުން މިއިންތިޚާބު އެއްބުރު މުއިއްޒުއަށް ކާމިޔާބު ވާނެކަމަށެވެ.