އިދިކޮޅު ރިޔާސީ ކެންޑިޑޭޓް ޑރ. މުހައްމަދު މުއިއްޒުއަކީ  އެބޭފުޅާގެ މަސައްކަތު ދާއިރާގައި ކަންކަން ވާ ބޭފުޅެއްކަން ސާބިތުކޮށްދެއްވާފައިވާ ބޭފުޅެއް ކަމުގައި ޕީޕީއެމްގެ ނައިބު ރައީސް އަހްމަދު ޝިޔާމް ވިދާޅުވެއްޖެއެވެ.

ޓެކްސީ ސެންޓަރުތަކުގެ ވެރިނާއި ޑްރައިވަރުންނާއެކު ޑރ. މުއިއްޒު މިއަދު ބޭއްވެވި ބައްދަލުވުމުގައި ވާހަކަ ދައްކަވަމުން ޝިޔާމް ވިދާޅުވީ ޕީޕީއެމްގެ ކުރީގެ ސަރުކާރުގައި އުމްރާނީ ގޮތުން ގެނެސްދިން ތަރައްގީގެ ސަބަބުން ޓެކްސީ ޑްރައިވަރުންނަށް ފައިދާތަކެއް ލިބެމުން އަންނަކަމަށެވެ.

މީގެ އިތުރުން ޕީޕީއެމްގެ އެ ވެރިކަމުގައި ގާއިމްކުރި ރިންގް ރޯޑަކީ ހުރިހާ ޑްރައިވަރުންނަށްވެސް ހައްޓަށް ލުއި ވެހިކަލްއަށްވެސް ރައްކާތެރި ތަނެއްކަމަށް ވިދާޅުވެ ޝިޔާމް ވިދާޅުވީ، މާލެ ހުޅުމާލެ އަދި އެއާޕޯޓުގެ ކަނެކްޓިވިޓީއާއެކު ޓެކްސީ ސެންޓަރުތަކާއި ޑްރައިވަރުންނަށް އާމްދަނީ އިތުރުވެގެން ދިޔަކަމަށެވެެ. 

މި ހުރިހާ ތަރައްގީގެ މަސައްކަތުގެ އެންމެ ބޮޑު ދައުރެއް އަދާކުރެއްވި ވަޒީރަކީ ޑރ މުހައްމަދު މުއިއްޒު ކަމުގައި ޝިޔާމް ވަނީ ވިދާޅުވެފައެވެ.