ޑރ.މުހައްމަދު މުއިއްޒު ރާއްޖޭގެ ވެރިކަމަށް ހޮވިއްޖެނަމަ، ވެރިކަމުގެ ހުވާކުރާ ދުވަހު ގދ.ތިނަދޫ އިސްލާމިކް މަރުކަޒަކީ އިސްލާމީ ޔުނިވާސިޓީގެ ގޮތްޕެއް ކަމުގައި ކަނޑައަޅާނެ ކަމަށް ކުރީގެ އިސްލާމިކް މިނިސްޓަރު އަދި އިސްލާމީ ޔުނިވަރސިޓީގެ ޗާންސެލަރ ކަންވެސް ކުރިން ކުރެއްވި، ޑރ.މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

އިދިކޮޅު ޕީޕީއެމް/ޕީއެންސީގެ ރިޔާސި ކެންޑިޑޭޓް ޑރ މުހައްމަދު މުއިއްޒުގެ ކެމްޕެއިންގައި ގދ ތިނަދޫގައި ރޭ ބޭއްވި ޖަލްސާގައި ވާހަކަދައްކަވަމުން ޝަހީމް ވިދާޅުވީ އެ ރަށުގައި ރައީސް ޔާމީންގެ ސަރުކާރުގައި ގާއިމް ކުރި އިސްލާމީ މަރުކަޒު ގޮވަމުންދަނީ ޕީޕީއެމްގެ ވެރިކަމެއް އަލުން އަނބުރަ އިޔާދަވުމަށް ކަމަށެވެ. އެ އިސްލާމީ މަރުކަޒު ތިނަދޫގައި ގާއިމްކުރެވުނީ އެއީ މުޅި ހުވަދު އަތޮޅުގައި ހުންނަ އިސްލާމިކް ޔުނިވާސިޓީގެ ގޮތްޕެއް ކަމުގައި ހެދުމަށް ކަމުގައި ޝަހީމް ވަނީ ވިދާޅުވެފައެވެ. 

މީގެ އިތުރުން އެ ސަރަހައްދުގައި ހުރި އިސްލާމީ ޔުނިވަރސިޓީގެ މައި މަރުކަޒުކަމުގައި ތިނަދޫ އިސްލާމިކް ސެންޓަރު ހެދުމަށް ރައީސް ޔާމީން އޮތީ ނިންމަވައިފައިކަމަށް ވިދާޅުވެ ޝަހީމް ވަނީ މި ސަރުކާރުގެ 5 އަހަރުގެ ދައުރެއް ހަމަ ވީއިރު  އިސްލާމިކް މަރުކަޒުގެ މަގްސަދެއް އޮތްތޯ ޝަހީމް ވަނީ ސުވާލުކުރައްވައިފައެވެ. 

މީގެ އިތުރުން މި އަހަރުގެ ރިޔާސީ އިންތިހާބު ޑރ މުއިއްޒު އެއްބުރުން ކާމިޔާބު ކުރައްވާނެ ކަން ފާހަގަކުރައްވަމުން ޝަހީމް ވިދާޅުވީ ޑރ މުއިއްޒު ރައީސް ކަމުގެ ހުވާ ކުރައްވާ ދުވަހު ތިނަދޫގެ އިސްލާމިކް ސެންޓަރު އެއީ އިސްލާމިކް ޔުނިވާސިޓީގެ ގޮތްޕެއްގެ ގޮތުގައި ކަނޑައެޅިގެންދާނެ ކަމަށެވެ.

ތިނަދޫގައި ހުރިހާ މަޝްރޫތަކެއް ހިނގަމުން ދިޔައިރު އޭރުގައި ހައުސިން މިނިސްޓަރަކަށް ހުންނެވީ މުއިއްޒު ކަމަށާއި އެހެންކަމުން މިއަދު މުއިއްޒުގެ އަޕްފުޅުގައި ތިނަދޫގެ ރައްޔިތުން ހިއްޕަވަން ޖެހޭ ކަމަށް ވިދާޅުވިއެވެ. މުއިއްޒު ވެރިކަން ކުރައްވާނީ ގާނޫނު އަސާސީގައި ބަޔާންކޮށްފައިވާ ގޮތުގެ މަތިން ކަމަށް ޝަހީމް ވިދާޅުވިއެވެ.