މާލެ އާއި ގއ ވިލިނގިލީގެ ގިނަ އަދަދެއްގެ ޒުވާނުން ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒަށް ތާއީދު ކޮށް ޕީޕީއެމްއަށް ސޮއިކޮށްފިއެވެ.

ޕީޕީއެމްއިން ބުނީ ރޭ މާލޭގައި އޮތް އެ ޕާޓީގެ ކެންޕެއިން ޖަގަހަ ހުޅުވުމުގެ ރަސްމިއްޔާތުގެ ތެރެއިން 130 ޒުވާނަކު ޕީޕީއެމްއަށް ސޮއިކޮށްފައިވާ ކަމަށެވެ.

 ރޭ އިދިކޮޅުން ބޭއްވި ޒުވާނުންގެ ޖަގަހަ ހުޅުވުމުގެ ރަސްމިއްޔާތުގެ ތެރެއިން -- ފޮޓޯ/ވަގުތު

މާލޭގެ އިތުރުން ގއ. ވިލިގިނލިންވެސް އިއްޔެ ގިނަ އަދަދެއްގެ މީހުން ވަނީ ޕީޕީއެމާއި ގުޅިފައެވެ. 

އެގޮތުން އެމްޑީޕީ ގިނަބަޔަކު ހިމެނޭހެން ވިލިނގިލިން 221 މީހަކު ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއަށް ތާއިދުކޮށް، ޕީޕީއެމް އަށް ސޮއި ކޮށްފައިވާ ކަމަށް އެ ޕާޓީން ރޭ ވަނީ ބުނެފައެވެ.

އިއްޔެ ޑރ. މުއިއްޒު އެ ރަށަށް ކުރެއްވި ކެންޕެއިން ދަތުރުފުޅުގައި ޕީޕީއެމާއި ގުޅުނު މީހުންގެ ފޯމްތަކާއި އެމަނިކުފާނާއި އިދިކޮޅު ކޯލިޝަނާއި ވަގުތީ ގޮތުން ހަވާލުވެ ހުންނެވި އަބްދުއްރަހީމް އަބްދުالله އާއި ވަނީ ހަވާލުކޮށްފައެވެ.