ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހުގެ އުފަން ރަށް، ޅ ހިންނަވަރުން ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓު ޑރ މުޙައްމަދު މުއިއްޒަށް ހޫނު މަރުހަބާއެއް ކިޔައިފި އެވެ. 

ޑރ މުއިއްޒު އަތޮޅުތެރެއަށް ކުރައްވާ ދަތުރުފުޅުގައި ބ އަތޮޅުގެ ރަށްތަކަށް ވަޑައިގަތުމަށްފަހު، މިއަދު ވަނީ ޅި ހިންނަވަރަށް ވަޑައިގެންފަ އެވެ. އެ މަނިކުފާނު އެ ރަށަށް ވަޑައިގަތުމުން ސަޕޯޓަރުން ވަނީ ރަތްދޫލައިގައި މަރުހަބާ ދަންނަވާފަ އެވެ. 

ގިނަ އަދަދެއްގެ ސަޕޯޓަރުން ޑރ މުއިއްޒުގެ އިސްތިގުބާލުގައި ބަނދަރު ސަރަހައްދުގައި ތިބިކަން ފާހަގަކޮށްލެވެއެވެ. އަދި ގެތަކުގައި ތިބި ފަރާތްތައް ތައް ނިކުމެ ޑރ މުއިއްޒަށް ހިތްވަރުދީ "ސާބަސް" ދެމުން ދިޔަ މަންޒަރު ފެނިގެން ގޮސްފައިވެއެވެ. 

ޑރ ހިންނަވަރަށް ވަޑައިގަތުން 

ޑރ މުއިއްޒުގެ އިސްތިގުބާލަށް ނިކުތް ސަޕޯޓަރުން ބުނަމުން ދިޔައީ މި ރިޔާސީ އިންތިޚާބު އެއްބުރުން ޑރ މުއިއްޒަށް ކާމިޔާބުކޮށްދިނުމަށް ތައްޔާރަށް ތިބި ކަމަށެވެ. އަދި ހިންނަވަރުގެ މެޖޯރިޓީ ޑރ މުއިއްޒަށް ހޯދައިދިނުމަށް މަސައްކަތްވެސް ކުރަމުންދާނެ ކަމަށެވެ. 

ޑރ މުއިއްޒުގެ ހިންނަވަރަށް ވަޑައިގަންނަވާ ވަގުތާއި ދިމާކޮށް، އެމްޑީޕީގެ ސަޕޯޓަރުން ވަނީ ބަނދަރުމަތީގައި ރީނދޫ ކުލައިގެ ދިދަ ދަމާ، ޑރ މުއިއްޒު ލޯންޗުކޮޅު ފާލަމާއި ގާތްކުރާ ދިމާގައި ފޮތިދަމާ ރަށަށް އެރުމަށް ދަތިވާނެގޮތަށް ބެނާތައް ހަރުކުރުމަށް މަސައްކަތްކޮށްފަ އެވެ. 

އެހެން ނަމަވެސް، އެފަހުން އެ ފަހުން ވަނީ، ޑރ މުއިއްޒަށް މަރުހަބާ ދެންނެވުމަށް ރާވާފައިވާ ގޮތަށް ކަންކަން ކުރިއަށް ގެންދިއުމަށް ފުލުހުންގެ އެހީތެރިކަމާއެކު މައްސަލަ ޙައްލުކޮށްފަ އެވެ. 

ޑރ މުއިއްޒު ހިންނަވަރަށް ވަޑައިގަތުން 

ޑރ މުއިއްޒު ވަނީ ހިންނަވަރުގައި ކެމްޕޭނު ޖަލްސާއެއް ބާއްވާ، އެ ރަށުގެ ރައްޔިތުންނަށް ކޮށްދެއްވާނެ މުހިންމު ކަންކަން ހިއްސާކުރައްވާފަ އެވެ.

އަދި ރިޔާސީ އިންތިޚާބާއި ހަމަޔަށް މު އޮތް ކުޑަ ދުވަސްކޮޅުގައި ކެމްޕޭނު ހަރަކާތްތައް މިހާރަށްވުރެ ވަރުގަދަކޮށް، ރިޔާސީ އިންތިޚާބު އެއްބުރުން ކާމިޔާބުކޮށްދިނުމަށް ހިންނަވަރުގެ މެޖޯރިޓީ ހޯއްދަވާދެއްވުމަށް ވެސް ޑރ މުއިއްޒު ވަީ ސަޕޯޓަރުން އަރިހުން އެދިވަޑައިގެންފަ އެވެ.