ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓު ޑރ މުޙައްމަދު މުއިއްޒު ޅ އަތޮޅަށް ކުރައްވާ ރިޔާސީ ކެމްޕޭނު ދަތުރުފުޅުގައި ނައިފަރަށް ވަޑައިގަތުމުން، އެ ރަށުން އެމަނިކުފާނަށް އޮތް ތާއީދުގެ ބޮޑު މަންޒަރު ސަޕޯޓަރުން ދައްކާލައިފި އެވެ.
ޑރ މުއިއްޒު ނައިފަރަށް ވަޑައިގަތީ މިއަދުގެ ހަވީރުގެ ވަގުތެއްގަ އެވެ. އެމަނިކުފާނު އެ ރަށަށް އަރާވަޑައިގަތުމަށް ސަޕޯތަރުން ވަނީ ވަކި ދޯންޏެއް ފަރުމާކޮށްފަ އެވެ.
އެމަނިކުފާނު އެ ރަށަށް ވަޑައިގަތީ އެމަނިކުފާނަށް ޚާއްސަކޮށް ސަޕޯޓަރުން ހަމަޖައްސާފައިވާ އެ ދޯނީގައެވެ. އެމަނިކުފާނު އެ ރަށަށް ވަޑައިގަތުމާއެކު ކުރުފަލި ޖެހުމުގެ ފޯރިގަދަ ހަރަކާތްތަކާއެކު ސަޕޯޓަރުން ވަނީ ޑރ މުއިއްޒަށް މަރުހަބާ ދަންނަވާފަ އެވެ.
ނައިފަރުން ޑރ މުއިއްޒަށް މަރުހަބާ ދެންނެވުން
ގިނަ އަދަދެއްގެ ބަޔަކު ޑރ މުއިއްޒަށް މަރުހަބާ ދެންނެވުމަށް ނައިފަރު ބަނދަރު ސަރަހައްދުގައި ތިބި މަންޒަރު ފެނިގެން ދިޔައެވެ. މުޅި ނައިފަރު އޮތީ އަސުރުމާ ކުލައިގެން ޒީނަތްތެރިކޮށްފަ އެވެ. އަދި ޑރ މުއިއްޒަށް މަރުހަބާ ދެ ޖިންސުގެ އެކި އުމުރުފުރާގެ މީހުން އިސްތިގުބާލުގައި ތިބި މަންޒަރު ފެނިގެން ދިޔައެވެ.
ޑރ މުއިއްޒު ވަނީ އެމަނިކުފާނުގެ އިސްތިގުބާލުގައި ތިބި އެންމެންނާއި ސަލާންކޮށްފަ އެވެ.
ނައިފަރަށް ޑރ މުއިއްޒު ވަޑައިގަތުމުން ހޫނު މަރުހަބާއެއް ކިޔާފައިވާއިރު، މިރޭ ޑރ މުއިއްޒު ބައިވެރިވެވަަޑައިގަންނަވާ ރިޔާސީ ކެމްޕޭނުގެ ބޮޑު ޖަލްސާއެއް ނައިފަރުގައި ބޭއްވުމަށް ވަނީ ހަމަޖެހިފައެވެ.
ނައިފަރުން ޑރ މުއިއްޒަށް މަރުހަބާ ދެންނެވުން
ޑރ މުއިއްޒުގެ މި ދަތުރުފުޅުގައި އެމަނިކުފާނުގެ އަރިހުގައި ޕްރޮގްރެސިވް ކޮންގްރެސް ކޯލިޝަން ވަގުތީގޮތުން ހިންގެވުމާއި ހަވާލުވެ ހުންނެވި ޕީއެންސީގެ ރައީސް އަބްދުއްރަހީމް އަބްދުالله ގެ އިތުރުން މަޖިލީހުގެ ނައިފަރު ދާއިރާގެ މެމްބަރު އަދި ޕީޕީއެމްގެ ނައިބުރައީސް އަހުމަދު ޝިޔާމު ބައިވެރިވެވަޑައިގަންނަވަ އެވެ.
ޑރ މުއިއްޒު އަށް ނައިފަރުން ހޫނު މަރުހަބާއެއް ކިޔުން
މިރޭ ނައިފަރުގައި ބާއްވާ ޖަލްސާގައި ޅ އަތޮޅަށް ޚާއްސަކޮށް ޕްރޮގްރެސިވް ކޮންގްރެސް ކޯލިޝަންގެ ވެރިކަމުގައި ކޮށްދެއްވާނެ ކަންތައްތަކާއި، އެ ކޯލިޝަންގެ ވެރިކަމެއްގައި ގެންގުޅޭނެ ތަރައްގީގެ ޕްލޭނުގައި ހުރި މުހިންމު ކަންކަން ހިއްސާކުރައްވާނެ އެވެ.
Advertisement
This content is created and paid for by advertisers and does not involve Voice Journalists
